{ SKIP }
文:MenClub William
POSTED ON 18 May 2017
出外飲酒食飯,時不時都會遇到ham風乾火腿一類,配下酒當餐前小點,或買返屋企,不過咁,今日要講嘅係西班牙嘅Jamón ibérico Iberian ham ,唔係意大利嘅Parma Ham,同樣係風乾火腿,但就有好大分別,至少食Parma Ham無嘢襯真係好難放入口....鹹咗D囉。所以你大佬我今日唔囉嗦,好簡單咁簡略下咩叫西班牙黑毛豬火腿Jamón ibérico先!



Jamón喺西班牙文解火腿, ibérico就係伊比利亞豬, 西班牙火腿用上當地南部的伊比利亞豬,天生全身黑色,連蹄都係黑,故又名黑毛豬,做成的火腿叫Jamon Iberico。整個西班牙生產的火腿,也只有5%先可以叫為伊比利亞火腿Iberian ham。不過又唔係隻隻可以做,豬隻必須擁有 50% 或以上的伊比利亞豬血統,通常分為 50%、75%及100%純種,再細分成農場飼養和放養,前者食小麥和粟米穀物;後者則以橡果和水果作主要糧食,所以100%純種放養的伊比利亞豬最為矜貴,稱為Jamon Iberico Bellota,1kg價錢可以去到過千。



咁色澤同味道會係點?上網見過食家蔡瀾先生嘅食評咁形容:「將伊比利亞火腿切片,肉色由粉紅到深紅,中間,像大理石的紋一樣,夾著白色的脂肪,整塊肉都會發亮,這是吃橡實得來的。」而味道就因為 Iberico以橡果為飼料,食落嘅油脂會有種香甜同堅果味道。



你以為紅酒咩?Iberian ham 熟成得愈耐就愈好,熟成時間的長短,影響嘅係豬隻的血統、飼料以及油脂比例,熟成得太耐,唔夠肥嘅還會令肉質變硬、油脂減少。正常黎講風乾月份就有18、24、36、48,甚至係72個月,以風乾36個月嘅時間最為高質。



咁油嘅火腿就好肥好唔健康,我同你講其實唔肥! Iberian ham嘅膽固醇含量非常低及含有較多的天然抗氧及單元不飽和脂肪,有助於減低患上冠心病之風險,營養價值又同橄欖油相似,咁你知有幾有益啦?


「好丘貝果」你食過就知有咩唔同,麵包迷最愛。
gourmet
台灣風味市集開催 「台灣最好吃」好丘貝果強勢登場
23 May 2018
當日本人遇上意菜,其化學作用不容忽視。
gourmet
意菜日廚田淵拓聯乘WHISK 快閃現代意菜風味
23 May 2018