{ SKIP }
文:MenClub William 圖:MenClub
POSTED ON 18 May 2017

在香港食Omakase,就好似賭一場大細,因為坊間實在太多日本餐廳供應Omakase,以「鮨」字(即:壽司)行頭都有好幾間,加上Omakase同一般壽司好唔同,話明廚師發辦,在取材用料、製作技法同食物配搭上都有好高要求,一個細節已足影響味道,未坐底都難以判定好吃與否。



今次要介紹的新店鮨豊位於天后,小店格局,主打Omakase,由外表後生,但入行原來已經超過18年的總廚Chris主理,曾任多間高級日本料理和五星級酒店,不但鍾情Omakase,更對此極有堅持,尤其著重細節,由壽司米飯開始,就指定用山形縣光姬米,米身大且有光澤,米味濃,再用自家獨有配方調製,飯身黏度佳,略帶柚子香,質素甚高。

十件壽司連玉子 $880

最基本的Omakase,有齊(左上起)白海膽、金目鯛、牧丹蝦、松葉蟹配蛋黃醬、小池魚、赤貝、平政魚、中拖羅、深海池魚、MAGURO面頰共十件壽司,當中已包括刁鑽位置。席前的Chris會教你,如何由味道淺到深的次序去品嚐。

Omakase定價親民,用料也沒有將貨就價,套餐包括前菜、湯、漬物、手卷和甜品,前菜的螢光魷魚極為吸引。


上起:北海道紫海膽及馬冀海膽、左起:馬冀海膽、白海膽、赤海膽
而港人最愛的海膽,也只用日本北海道直送的靚貨,再按時令用白海膽、紫海膽和赤海膽,取材極為細緻。




食盡Maguro刁鑽位

坐在席前,看著他手起刀落,輕輕一拖將魚生起片,手握飯團一搓,不消一秒就放在你面前,手勢之嫻熟,足見基本功相當紮實。但在香港地,成為類同不叫成功,要突圍而出,也需要一些Gimmick,正好餐廳老闆是海產大買手,食材一星期六日由築地空運來港,Chris就可以從中擇選最頂級的材料,除了MAGURO的大拖羅、中拖羅的部位外,更找來更稀少的刁鑽部份,如全條魚最肥美的鮪魚頸拖羅、油香味超重的筋拖羅、一條魚只有2片的腦天等,邊食邊聽Chris講解,寓學於食。

左起: 腦天、魚面頰、頸拖羅、筋拖羅


腦天是鮪魚頭頂部位的肉,一條鮪魚只有2片,十分稀少,部位珍貴,肉質較黏稠但口感軟滑,魚味香濃。


鮪魚筋拖羅較罕見,位於大拖羅下面的部位,筋位較多,先去筋位再用火槍略燒表面,滿口都是油香。


鮪魚面頰,食時輕輕一燒面頰表面,口感清爽,魚味香濃,肉質嫩口具有彈性。



鮪魚頸拖羅紋路呈網形,較少筋位,口感甘甜。由於鮪魚的頸部活動最少,是全條魚最肥美的部份,十分珍貴。

錦鯉清酒 $1,180/支

和店主題相和應的錦鯉清酒,為新潟縣的名酒。



鮨豊
地址:天后琉璃街4號地下
電話: 2566 3801

營業時間:

12:00pm - 3:00pm;6:00pm - 11:00pm(星期一至六)

12:00pm - 3:30pm;6:00pm - 11:00pm(星期日及公眾假期前夕)





我一向都怕坐連鎖咖啡店,因為成為唔想廢老同班學生爭位坐,人在銅記嘅話,我會去HMV Kafé坐。
gourmet
【仲同後生迫Starbuck】銅鑼灣聽住音樂飲咖啡
29 May 2017
自己喺屋企煮餐好嘅,買D高質厚肉嘅帶子返黎,簡簡單單煎香,放喺一碟意粉上面已經夠殺!
gourmet
【各地星級名廚教路】點煮帶子先好食?
26 May 2017