Youtuber Trevor James，成日周遊列國，食盡天下美食聞名，佢嘅Channel The Food Ranger都youtube界都相當有人氣，前排就黎咗香港，分別去咗蓮香樓、車仔麵之家、甘味燒鵝同愛文生。

蓮香樓

見佢首站就去蓮香樓飲茶，呢間屬於香港少有嘅舊式茶樓，即係仲有人推車仔嗌點心，都自係香港茶樓文化，不過蓮香樓嘅點心其實麻麻，都係嗰句，遲早就無嫁啦。

車仔麵之家

跟住去咗灣仔嘅立食車仔麵店，車仔麵夠代表性，而車仔麵之家可以話係港島區內頭三車仔麵，餸選擇多，亦難出事，尤其是James提及的咖喱齋，咖喱味夠又香口，所以即使要企，都大把人食（夏天都去食你就係勇者）。

甘味燒鵝

雖然貴為一星米芝蓮食店，但門檻低較親民，lunch十成爆場，排隊是等閒事。燒鵝質素上佳，油香極豐，肉質味香俱存，同樣是鏞記出走的班底，水準也差不多，中西區加埋一樂，絕對玩晒。

愛文生

深水埗食嘢有咩選擇？當然係大排檔啦，你要我喺小菜王、增輝、愛文生之間做選擇，其實我會食愛文生，碟頭大，鑊氣夠，地方最粗豪，不過最有feel，三五成群黎食先好，倆口子黎如非好大食，真係會後悔叫咗3個餸。