{ SKIP }
文:MenClub William
POSTED ON 27 Jun 2017
觀塘區工廠區,近年重心轉移變成遊客商業區,每日駱駝漆都人山人海,對於喺呢區返工,食飯想要寧靜嘅打工仔黎講,工廠區茶記私竇何其重要。茶要好飲,嘢食有心機做又好食,區內基本上十隻手指數得晒,呢間意外發現嘅茶記,絕對值得推介。


茶記老闆雄哥,之前一直都係觀塘廣場內開茶檔,到90年代先將鋪頭搬到呢個稍為隔涉嘅位置,鋪頭絕對唔起眼,不過店內兩大食品,煎米粉兩面黃和超薄多士,已足夠叫人幫襯。好老實,坐茶記,杯茶一定唔可以差,呢度嘅茶膽,奶茶和檸茶都係分開調配,而且秘訣原來係當沖好奶茶之後,要將整壺茶放到雪櫃,雪過後茶味更易揮發出來,雄哥笑言只是舊時茶記的做法,只要做開茶記就會知道。



牛腩煎米粉配蝦卷
出自潮洲名物兩面黃,煎米粉兩面黃拼配的是加上麻辣醬,深色入味嘅牛腩。如此花時間的做法,坊間幾乎絕跡。煎起面皮略為焦脆,食時沾上深褐色的牛腩汁,味道不算驚為天人,不過吃得出擔擔心機。



超薄多士

呢個比正常多薄一半的多士,如威化餅最外層的鬆脆,雄哥再次強調是舊式茶記做法,不過同樣傳承者極少,烘得剛好,搽上煉奶和阿華田粉,是一個絕佳的早餐單品。不過雄哥隨後端出一個極邪惡的版本,四層多士,中間2塊正常厚度的麵包,外層則是超薄多士,這才是真正的邪惡。




海潮食堂
地址:觀塘成業街19-21 號成業工業大廈地下G6 號舖



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023