{ SKIP }
文:MenClub William
POSTED ON 17 Jul 2017
行開登龍街,熱到人連拉麵都唔想食,行過見到好耐都無食過嘅龍蝦包,一講起龍蝦包,呢個來自紐約嘅貴價包,上年年頭興起,索價$2XX都有人食,總算有一班打卡多過食飯嘅港女們撐起全港熱潮,連續開咗七、八間,港九新界都有得食。


我好鍾意食包,可能細個返學食包食到大,可以餐餐食,好記得返學一日可以齋食一個$9大麥包,總係對包有種情意結,但總有人覺得「我俾成嚿水,可以食乜乜乜~」,選擇同口味不嬲都好個人嫁啦,所以你地話唔好食乜乜乜,我唔會聽入耳嫁,我會肯錢俾食我覺得嘅Good Food。


講返個包,熱情冷卻,食物質素就見真章。Lobster Central 個廚來自新西蘭,主打用1磅重嘅波士頓龍蝦,拆肉整包,仲有蟹肉、海蝦、帶子包,龍蝦包試過,咁啱見到有全新嘅腳蟹包,就忍唔住叫咗嚟試。


King Crab Roll

用阿拉斯加皇帝蟹腳做主打嘅包,真心好啱懶人食,因為剝晒殼起晒肉,不過調味略鹹,可能新出關係啦。麵包牛油味重偏甜,包身食落有些微韌,配搭蛋黃醬、秘製檸檬牛油及幾種香料。


Shrimp Roll

數唔清有幾多隻蝦啦已經,單食蝦已經夠味,應該係芸芸包中配料做得最出色,蝦肉爽口有嚼勁。


Crab Roll

蟹肉綿密鮮甜,份量頗多,夠足料,講真你買成包去蟹肉可能唔會平好多,我覺得,不過點都好,始終係人手拆肉,小心有殼。



對於好食嘅嘢,其實有咩過唔過氣?做咩要限住自己跟潮流去食先~


Lobster Central

地址:銅鑼灣登龍街36-48號地下D號鋪

電話: 37041735

營業時間: 11:00am - 10:00pm(星期日至三)、11:00am - 11:00pm(星期四至六)



喺香港已經有28年歷史嘅Dan Ryan's。咁多年嚟可以話奠定咗大家對美式餐廳嘅印象,碟碟菜式都屬大件頭,漢堡當然唔例外,咁啱餐廳嘅亞太區行政總廚Frank本身最美式漢堡好有研究,搵佢講啱晒! ... ... ... ... ...
gourmet
【MenClub漢堡特集.之一】經典你要識!漢堡肉原來咁樣mix!
21 Jul 2017
海港城近排有間話題新店HAKU ,店中甚具來頭的組合,當代日本殿堂級料理達人松尾英明和榮獲「Hong Kong Tatler 2016 最佳新晉主廚」的大廚Agustin Balbi。
gourmet
【兩大廚界鉅頭聯手】HAKU 割烹料理新定義
20 Jul 2017