{ SKIP }
文:MenClub William
POSTED ON 02 Aug 2017
唔講唔覺原來MOKO 新世紀廣場旁邊嘅帝京酒店,開業至今已經有20年,一直都係由香港人管理,雖然未必住過,不過酒店其下嘅花月庭、獅子樓、帝京軒同帝京餅店,點都食過掛?


20周年,當然要大事慶祝,酒店特別找來同樣土生土長的藝術家Messy Desk合作,以"Creating S-milestones Together"為主題創作畫作,希望大家笑多D咁話。其實好少見到酒店會主動搵本地藝術家合作,單係有呢種見識,都值得支持啦。




本地插畫家及藝術漫畫家Messy Desk,相當後生,不過來頭好猛,佢曾獲法國出版社Na Edition邀請前往安古蘭,參與全球第二大漫畫節,更贏得漫畫新秀獎,亦被法國藝術雜誌《Get Freaky》賞職,於法國、美國、英國、德國、瑞士及歐洲等地舉辦展覽,2016年仲拎咗大中華區插畫獎亞軍及日本插畫大獎Winning Work Prize。佢嘅畫風極有法式漫畫Bande Dessinée嘅味道,一幅圖睇落密麻麻,但暗藏極多細節,獅子山、金魚街、花墟、雀仔街,屬於香港人嘅地標,通通喺畫中。


講到尾,最令食客會心微笑,我諗應該係酒店推出嘅優惠。首先有城中value pick自助餐嘅花月庭,平時已經夠多人食,因為菜式涵蓋世界各地菜式,時不時都有驚喜,除咗回本嘅海鮮,仲有砵酒焗牛脷、威靈頓牛柳同法式香橙班戟等等唔常見菜式,暗暗又有法式味。依家按唔同嘅日子去食仲會有唔同優惠,包括現金券、飲品優惠、四人同行一人免費,大家有興趣就睇返日子啦。


獅子樓就有個「20周年經典套餐」,將香港早期的西餐重現餐桌,原來當時豉油西餐都有受到法國菜嘅影響,酒店行政總廚就將法式鵝肝牛柳、原條龍脷文也、尼哥斯沙律同金必多湯等等經典法菜呈現俾食客。


獅子樓仲有個聯乘 Messy Desk嘅「20周年下午茶」,呢個睇落好普通嘅tea set,竟然將茶餐廳元素融入茶點,粟米肉粒伴脆米通、五香肉丁公仔麵春卷、芝士鹹牛肉西多士同鴛鴦慕絲朱古力杯,係咪好驚伏伏地?放心,整體味道均屬想像之內,若果個五香肉丁公仔麵春卷能夠多肉丁就最好。


帝京餅店出名嘅鬼馬蛋糕,將河粉、煲仔飯、煎蛋飯同蠔煲變成甜品蛋糕,呃到唔少人,今期就有呢個「鬼馬泰式咖哩龍蝦蛋糕」(一磅),實情係熱情果芒果慕絲蛋糕,依家預訂蛋糕就另外平多$20!


帝京酒店

地址: 香港九龍太子道西193號

推廣期:2017年7月3日日至2017年9月20日(視不同優惠而定)



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023