{ SKIP }

POSTED ON 08 Aug 2017
話說11月舉行嘅「全城街馬」,當中嘅Beer Run啤酒跑備受社會各界口誅筆伐,明明上年都有搞,但有體育教授嚴正說「不」,又有幾個醫學團體表明反對將飲酒與體育活動扯上關係,甚至連衞生署署長都出手,聯同3個團體去信主辦單位,唔好鼓勵運動人士飲酒咁樣樣。結果上星期Beer Run認輸,唔再喺比賽提供酒精飲品。


有報導過呢段新聞嘅各大平台,留言都甚為精采,不能一一盡錄,見證住網友嘅智商真係一日千里,一般人真係拍馬都追唔到。首先,Beer Run呢個近年歐美盛行嘅變種跑步運動,全球大大小小專業業餘餘興嘅賽事不計其數,全球盛行。香港去年先喺中環海濱舉辦過首次Beer Run,當時已有超過500人參賽。



唔知係咪上年搞得太成功,今年成為社企「全城街馬」其中一項活動,(留意返,發展局都係支持機構嚟嫁,係咪又想做創新但趕絕新科技先?),隨即引嚟幾個單位圍剿,連一向「維護民康」嘅香港醫學會都要連日出手,無計啦,可能醫院病人承載量爆煲嘅問題實在過於小事,反應比放喺Facebook出post呃like更加快手。


各路人馬吹捧落石,將Beer Run 染成一件為「有違健康」嘅壞事,一個二個「網絡運動權威」都走出黎附和體育教授嘅至理名言,認為「運動」同「酒精」就係水溝油,點都溝唔理,由此可見香港人信服權威嘅程度,猶如先聖名言醍醐灌頂,祖訓不可違,違者就是忤逆,即使日新月異,世界改變但權威不變。

再者有本地智者,從外國人體質唔同、風氣唔同、酒量唔同、地質唔同等等各方面去講酒跑的害處,我仲以為跑者都是腦子空空的。坦白講,如果下下都求健康人生,老麥簡直就係成為香港人最大嘅敵人啦。


提返你,Beer Run賽程只有長1.6公里,參賽者每跑400 米前飲1罐啤酒,完賽共需飲4 罐啤酒,競賽成分久奉,擺明「For Fun」。如果得閒,可以睇下呢位仁兄Yiu Kwong Chan講嘅嘢,「跑步」同「啤酒」呢對組合,有正反效果,我相信參加嘅成年人都具備基本智力,知道咩叫做「量力而為」,喺一個又有工作坊,又有Beer Game,又有Yoga,又有嘅嘉年華式跑步活動,你鍾意認真跑我都真係奈你唔何嘅。



最簡單去諗,會唔會有人特登做一件危害大眾嘅活動,仲要有政府單位幫手搞,我相信政府本身就做更多此類損害大眾利益嘅計劃(如:高鐵),況且參加與否,至少你有決選擇。


2017年已在倒數階段,不久便踏入聖誕節,在這溫馨佳節,仍對買甚麼禮物感到頭痛的話,不妨從一些傳統又具個性的飾物着手。好像風行全球的國際珠寶品牌PANDORA,它高貴而女性化的飾品系列,一直深受女士們歡迎。例如P ...
style
【別具心意的聖誕禮物】PANDORA 聖誕優惠Gift Set系列
14 Dec 2017
盡信網絡新聞,又一中伏之作。
gourmet
台灣Backpacker「偽米芝蓮」大廚事件 酒店竟然賴記者?
14 Dec 2017
認真一問:究竟米芝蓮評審會唔會喺廣州一路向西跨區到廣西(廣西不在廣州內),一嚐鹹酸菜炒牛歡喜之滋味呢?
gourmet
廣州米芝蓮 大陸迎來第二本米芝蓮指南
14 Dec 2017