{ SKIP }

POSTED ON 25 Sep 2017
香港人食牛有好多方法,講起食咩牛種,安格斯或和牛,可能中學生都識答你,不過美洲野牛Bison,我諗你應該未食過。近排GrandHyatt 嘅Steakhouse仲率先引入呢款熱量、飽和脂肪及膽固醇相對比一般牛種低嘅食材,我想試!


美洲野牛Bison,又稱American Buffalo,美洲野牛貴為馴養牛嘅祖先,早於十九世紀前,北美洲曾經有著多達四千萬隻美洲野牛,但到了十九世紀末期,因為狩獵活動同氣候變化等問題,導致美洲野牛數量大幅跌至少於一千頭,差少少就絕種。野牛厚重嘅牛皮可用作衣物,或做成皮革;骨頭則可加工成為建築材料,北美印第安種群更會將牛骨做成護身符,成為與此息息相關嘅精神象徵。


野牛喺美國歷史中有著不可動搖的地位,前總統奧巴馬先生於在位時便挑選了美洲野牛作國家級哺乳類動物。近年野牛Bison產量回升,仲係可控制嘅範圍內再次成為盤中美食,更被北美廚師選為2017年年度最佳食材。食客還是最關心味道,美洲野牛屬草地放養,卻以穀物為主食,口感比普通飼養品種較精實幼嫩,肉味濃郁,其生長過程中不添加荷爾蒙、抗生素及類固醇等物質。有營養學家認為美洲野牛能提供「完全蛋白質」及多種維他命並含有較少的飽和脂肪及膽固醇,屬三低食材。


香草煙燜美洲野牛肋骨配楓糖漿,配上自家製煙燻箱

野牛肉先以慢煮方法烹調40小時,保持肉質嫩彈,上桌時會以特製的木盒盛載,打開木盒時,自家製燻煙徐徐飄散,絕對係影相位。


竹炭燒美洲野牛有骨肉眼牛扒配波本威士忌火焰及香蒜牛油

野牛扒即場碳,再在扒上塗抹自家製黑椒蒜茸牛油,再於席前淋上波本威士忌,賣相搶眼。


Grand Hyatt Steakhouse

地址:香港港灣道一號君悅酒店大堂

電話:2584 7722
營業時間:6:30pm - 10:30pm





對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023