高人一等煙花位

銅鑼灣新開嘅日本餐廳「鮨蕾」，主打Omakase，兩個圓環型壽司吧枱作中心，整體格局更似型格酒吧，22樓嘅高層足夠俾你高人一等無阻隔睇煙花。國慶日清酒配對晚餐就有齊3款前菜、4款刺身、鹽燒喜知次、5款手握壽司、清酒煮蜆、時令蜜瓜，配搭多款酒品，好似配刺身嘅「天之戶 純米大吟釀」、配燒物嘅「百十郎純米」、配壽司嘅「七木槍 渡船 純美大吟釀」同埋最後飲嘅「京姬 刻之骨」。

碼頭抬頭睇煙花

講離維港位置最近，咁灣仔碼頭嘅山貴築地一定贏，入去睇煙花可能會日似入戲院坐A1咁。大時大節，山貴亦推特別推出一個八道菜煙花晚餐，包餐前酒，日式佐酒小食，新鮮生蠔，廚師精選刺身及壽司（包括吞拿魚腩、秋刀魚及時令魚）、燒南非鮑魚及帆立貝，香葱鮪魚腩手卷，野菜烏冬及甜品。另設有6人及12人套餐，包大堆親友都得。

築地・山貴水產

地點：灣仔碼頭二樓

時間：12:00pm - 10:30pm
電話：3974 5609

價錢：$800/位

酒店中菜襯煙花

遠離自由痕極多的尖沙咀，黎到紅磡嘉里酒店，基本上酒店一、二樓天台花園或者中菜廳紅糖都係無阻擋海景，酒吧Red Sugar仲可以睇到煙花全景。中菜廳紅糖行政總廚余偉經師傅為這特別的晚上設計咗煙花晚膳套餐（每位$988，最少兩位起），匯合了多款首本名菜，包括花膠鮑魚絲扒時蔬及淮山杞子燉螺頭，若果係一家大細，仲可以試下佢地嘅8道菜佳餚晚宴餐單。重點係一到9點，客人就會被引領到相鄰的Red Sugar 酒吧戶外平台欣賞維港煙花。

嘉里酒店中菜廳紅糖

地點：紅磡紅鸞道38號香港嘉里酒店7樓

電話：22525279

營業時間：11:30am - 2:30pm、6:00pm - 10:30pm

煙花日大班人食扒

如果你覺得睇煙花只係餘興節目，一大班人食先係重點，咁不如去Morton’s。首先嚟個Morton’s Prime Ocean Platters，有冷盤及熱盤可選。再叫個48oz Double Porterhouse，有齊西冷牛扒同牛柳，6個人都夠食。再唔夠加個焗芝士煙肉通粉或者芝士松露炸薯條，咁甜品就要個莫爾頓經典新地雪糕啦，暖心朱古力蛋糕、3球Häagen-Dazs雲尼拿雪糕。

Morton’s The Steakhouse

地址：九龍彌敦道20號喜來登酒店四樓

意菜伴海景

最新開仲有呢間意菜Paper Moon，坐落海港城LCX最深處，景觀同樣無阻隔，270度海景景觀（講到好似樓盤廣告）。當日餐廳會分兩輪用餐時段，第一輪為6 - 8PM ，第二輪為 8:30PM開始，亦只有國慶日套餐（皇帝蟹肉沙律伴牛油果及西西里大蝦、煙燻豬肉寬條麵、主菜可選香煎黑鱈魚伴菠菜或美國穀飼牛柳伴粉紅胡椒汁及薯蓉，甜品則為招牌意大利芝士餅，還有隨餐餐飲），如果諗住坐低食住睇煙花，一定要選第二輪。

Paper Moon
地址：九龍尖沙咀海港城海運大廈3樓OTE 301號舖
電話：2156 2256
營業時間：11:30am – 2:30am（星期日至四）、11:30am – 3:00am（星期五、六及假期前夕）

價錢：$888/ 位 （另有素食menu。另有加一服務費）