{ SKIP }
文:MenClub William
POSTED ON 29 Sep 2017
香港外賣apps,基本上都係三分天下嘅局面,不過今日要介紹嘅新事物,可能就影響當中形勢。話說Deliveroo,我諗大家知道前排改咗個中文名叫「戶戶送」,呢排又開始咗新搞作,就係喺灣仔設立香港首個只提供外賣服務嘅全新平台 Deliveroo Editions「戶戶小廚」,簡單嚟講就個俾餐廳進駐嘅實體廚房。


可能大家成日都會話香港好方便,一落街就可以食到茶記、快餐、各樣特色餐等等,不過連遊客都知香港地呢個地方,創業及經營一間餐廳係何等困難,高昂租金,高價人手,同埋出名高要求唔係我就投訴嘅客人,太多不明朗嘅因素去阻止餐廳擴展業務。


當然Deliveroo Editions戶戶小廚唔係喺香港首發,繼倫敦之後,於2017年4月首次於新加坡推出,香港亦緊隨其後成為第二個推出嘅亞洲市場。你會疑問,如何說服餐廳商戶成為進駐戶戶小廚?這就要靠Deliveroo運用的大數據作出嘅研究同市場分析,即係好似每區最缺乏嘅食物類型、最受歡迎嘅美食、客人平均等待時間等等,預估顧客需求,根據資料顯示,戶戶小廚喺倫敦及新加坡兩地都非常成功,當中部分餐廳的收入亦因此上升逾550%,並將外送時間減省大約10%。



而今次戶戶小廚,就成功邀到六間香港知名的餐廳,分別係食夏威夷style魚生飯嘅Pololi、主打主打salad同flat嘅MANA! Fast Slow Food、無味精摩登中菜Sohofama、香港少見的陜西菜有緣小敍、意菜 208 Duecento Otto同泰菜Thai on High,當中Pololi仲會推出Blazed by Pololi及Kai by Pololi兩個新品牌,主力做外賣菜式。





如果Chef Le Mon自己有餐廳,照計都上到榜啦可?
gourmet
法國 LA LISTE 世界最佳 1000 餐廳排名
13 Dec 2017
老細次次想食扒,唔通都去酒店Steakhouse 咩,以中價扒房黎講,合理有餘啦。
gourmet
扒房Outback再加碼 Black Label Tomahawk斧頭扒登場
12 Dec 2017