{ SKIP }
文:MenClub William
POSTED ON 05 Oct 2017
藍瓶咖啡Blue Bottle Coffee,素來被認定是屬於「文青」的咖啡,日本東京分店更是亞洲唯一朝聖地點,以慢調子的手沖精品咖啡,在美國咖啡世界突出重圍,不過上個月咖啡界就出現一個震撼消息,當今其中一個咖啡巨頭雀巢,宣佈動用5億美金收購藍瓶咖啡68%的股權,唔通藍瓶咖啡會掉落凡間出即溶包裝?


始創人 James Freeman , 2002 年於美國奧克蘭創辦藍瓶咖啡Blue Bottle,最初只係一個咖啡車仔檔,主打講求單一產地的手沖咖啡(Hand Drip),飲一杯咖啡就索價17美元,仲要俾少少耐性等待,點知呢種「慢工出細貨」迅速爆紅,深得啡迷歡心,洗爆社交平台。


有人就分析過,藍瓶咖啡嘅出現,食正美國咖啡文化中嘅第三波浪潮,同民眾經歷第一次的速溶咖啡時代、第二次的星巴克品質咖啡時代大有不同,第三波咖啡浪潮強調個性、獨立,精品咖啡,更加講究咖啡的產地、烘焙或沖泡方式,視之為一種獨特的生活享受。而作為第三波浪潮的代表,截至目前為止,分店在美國的數目已達36間,東京則有6間。



追捧嘅啡迷,仲要唔止係一般人,根據創投網站 Crunchbase 嘅統計,呢支藍瓶成立至今,已經募集咗 12 億美元嘅資金,投資者仲要個個猛人,包括 Twitter、Instagram、Uber 的創辦人、Google Venture 等,所以其中今次雀巢嘅收購,亦顯示到呢班投資者嘅精明眼光。


八月時已有傳聞藍瓶咖啡有機會登陸台北,真心相信香港都會在不久將來引進藍瓶,有去過尖沙咀碼頭嗰間符號咖啡,你就明白香港人仍在享受第三波咖啡風潮之中,對打卡同飲咖啡都有強烈嘅需求。


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023