【隕石鑄廚刀】美國傳奇級刀匠Bob Kramer

POSTED ON 10 Oct 2017

我都唔止一次提起Bob Kramer，呢位美國傳奇級刀匠，佢製作嘅刀，唔單止耐用，刀身仲有佢特有風格波紋樣，德國孖人牌Zwilling重金搵佢推出聯名系列Zwilling Bob Kramer，日本刀具品牌「旬」搵佢推出聯名系列"Reserve"，甚至連美食界中人都爭相吹奏追捧，你當然要認識下呢位大師。

擁有碩士學位嘅Bob Kramer，做過廚師，更成立過行動磨刀工作室，專門服務餐廳，之後於鍛造學院深造冶刀技術，獲得美國ABS刀匠協會頒發「大師」證書，全球僅得百多得此殊榮，而且Bob Kramer專攻廚刀，其地位無出其右。


雖然閒閒地一把都刀都要$3000-4000美金，特別訂製嘅就可以高達$10000美金，更有等足三年，行內嘅廚師都相當尊崇，連廚界名人Anthony Bourdain都親自開口要求訂製。Bob Kramer最癲仲用過隕石做廚刀。

呢段片"The Fire Inside" 短短7分鐘，Bob Kramer就自己講點解會迷上鑄刀呢門手藝，最初點樣去學，或者係點樣成為世界級刀匠，佢自己都話：「我知道行內好多人都有製作刀具，不過我淨係專注係自己度，將我嘅心機全款放喺製作『最好』嘅刀上。」佢亦有提過佢最鍾意用Carbon-Steel，用碳鋼淬煉最堅最鋒利嘅刀，不過用隕石meteorite鑄刀先係佢最得意之作。