【鬼國打假】大陸新興職業——打假者

文：MenClub William
POSTED ON 11 Oct 2017

講起大陸食品安全問題，我相信除咗做官嘅「人」外，都無咩人會信係安全嘅，近年大陸衍生咗呢門新職業，有人會專守喺超市發掘錯誤標示嘅食物，從而提告，獲取大量賠償，呢種「中國式賺錢」非常符合國情。

首先要講一下同「食安打假者」好有闗係嘅法例，就係中國的《食品安全法》，早於2009年，中國政府向消費者承諾，如果發現違反食品安全法嘅產品，他們可以獲得該產品10倍價值的賠償。

2013年，當時為咗解決嚴重嘅食安問題，《食品安全法》實施得更嚴格，而且修訂後嘅新法取消咗一條重要規定——有關受害人必須證實已受到人身傷害或已遭受損失才能獲得賠償，即時話，我搵到任何食品有違《食品安全法》，就可以主動索賠，所以衍生咗一班以利用商品過期或漏洞問題，主要集中在包裝上標籤之錯漏，再故意大量買入然後通過打假要求商家支付賠償嘅一班人，呢班聲稱維護社會公眾「餐桌上的安全」為名，卻以賺錢為實嘅投機人士，就係打假者。

呢個職業嘅流行程度，超乎你想像，坦白講只因有太有「錢途」同埋「假貨」過於猖狂。或者最早去到1995年，有「中國第一打假者」之稱嘅王海，當時22歲，喺北京各商場購假索賠，50日內獲賠償金8000元，成為大陸打假風潮嘅開端。自從大陸政府（聲稱）堅決反對假貨，其實打假者一開始的對象並唔係只針對食物安全，範圍幾乎包括所有消費品，甚至係醫療服務（還記得百度的魏則西事件嗎？）。

我簡單舉幾個例子，話你知打假行業之昌盛：王海，中國打假第一人，成立了四個職業打假公司。一年中，王海及其公司，買入202萬元假貨，賺了400多萬。中國最大規模的超市沃爾瑪，2016年內接到了近4000份食品安全問題投訴，在食品安全法放寬之前，投訴只有700份。薛延峰，職業食品打假人，18個月內所獲得賠償額達70,000人民幣——為中國城鎮家庭年均收入兩倍。

尤其是食品打假呢門行業，利潤太過豐厚，打假者開口埋口聲稱為人民嘅「餐桌安全」，但食物到底係唔係假？添加劑究竟有無毒？或者不太重要，因為打假者著眼於食品標籤標示內容有無標示錯誤，或是遺漏資料，目的何在，昭然若揭。如果你聽「米高馬雲」講，淘寶係無假貨嘅，係呀，一定無啦，咁呢班「打假者」其實都一定係假嘅，diu，件事好複雜....，不過「不管你信不信，反正我就信了」