{ SKIP }
文:MenClub William
POSTED ON 31 Oct 2017

每年喺《米芝蓮指南香港澳門》公佈之前,「米芝蓮車胎人美食推介」都會率先公佈,雖然香港人普遍形容米芝蓮屬法式「死亡之吻」,無計啦,多得地主們睇住加價,但唔好忘記,站在餐廳角度,得到外國重量級美食單位肯定,呢份重視,平時你班香港人都未必咁賞識佢地啦。

今年有17間餐廳首次榮獲「米芝蓮車胎人美食推介」,入選標準就係餐廳食物有「卓越質素」,且能在港幣400元以下提供三道菜式。

粵菜成大戶,首先有我地上年聖誕都有介紹過嘅增輝藝廚(www.menclub.hk/xmas/8725),其招牌菜鮑魚海參釀燉雞贏得食客青睞;太子幾乎只有識途老馬先識黎,敢只做晚市嘅聚興家,據說仲係城中大廚們的宵夜聚腳點; 西環以煲仔飯聞名的坤記煲仔小菜;舊班底接手後容記小菜王,水準依然保持到。其他仲有信得過、益新、嚐囍煲仔小菜同粵來順。

仲有兩間廣東麵館入選,分別是經營了23年家族生意的西環英記麵家,以及擁有逾40年歷史的佐敦麥文記麵家,主打都係鮮蝦雲吞麵。另外仲有灣仔的靠得住,雖屬太興飲食集團,不過尤其一碗「心肝寶貝粥」豬潤帶子粥,粥底綿滑帶甜,堅係「靠得住」,成為首間粥鋪入選,當之無愧。

最值得開心嘅係,有其他台式同泰式菜入選此名單,例如話灣仔藍屋嘅泰麵samsen(www.menclub.hk/gourmet/9525),由大廚Adam Cliff 主理,味味落重料,超重泰味(係囉我記得你班食神大聲嗌一碗麵過百蚊好貴嘛),仲有西環(米芝蓮竟評審上年去新蒲崗多,今年去西環多,應該係)「請坐」,由真台妹主理,台式蛋餅、滷肉飯同紅燒牛肉麵,夠台夠古早味,區內街坊實知道。

留意返,第十版《米芝蓮指南 香港澳門 2018》將於今年11月30日於澳門君悅酒店正式發佈,詳情將於日內公佈。由11月30日起,可登入米芝蓮指南香港澳門官方網站https://guide.michelin.com.hk瀏覽《米芝蓮指南香港澳門2018》的完整名單。
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023