好多嘢需要失去咗先會珍惜，好似譚仔阿姐一樣，當你無得再同佢地玩口音落單遊戲。美國三藩市嘅食客好慘，因為佢地一開始都無呢個樂趣，以後都無。Eatsa是間以三藩市為基地的餐廳，2年前開業，售賣健康食物，不過餐廳的特色就是無人serve，無人落單，你只需要透過 iPad 落單，再在一個玻璃箱處取餐，強調點餐同取餐的過程都「不見人」。

Eatsa自家研發的Eatsa platform ，可以將餐廳成個操作流程簡化，減少人力成本，提高效率咁話，亦成為業界Tech味最濃的新型餐廳。呢個走得咁前的idea，成功吸引到另一間連鎖快餐店選用它們的系統。芝加哥快餐店Wow Bao，本身供應包點、夾包、餃子、米飯等大路連鎖嘢，就決定使用呢個Eatsa platform 。Wow Bao總裁更聲稱今次唔係玩玩下，而係想為餐廳品牌重新定位。