{ SKIP }

POSTED ON 28 Nov 2017

食川菜,不少人都有提及過三希樓呢個大名,尤其在一堆過江龍襲港之前,三希樓的四川麻辣火鍋質素有目共睹,不過次次去親都要踩上(半)山花園道,唔夠肚餓,或者唔夠腳骨力,你都難掟起心肝朝聖。終於唔使行咁遠,因為三希樓為慶祝開業十周年,就喺銅鑼灣時代廣場開設全新姊妹店,仲新增粵菜同點心!

作為火鍋fans,最關心還是火鍋,除了招牌正宗四川麻辣火鍋外,銅鑼灣新店更獨家推出兩款創新火鍋湯底,包括以南瓜入饌的「金湯鍋」挑戰辣度的「土匪鍋」,其他特色火鍋湯底選擇包括「酸菜魚鍋」及「有機蕃茄豬骨鍋」。鍋底以全手工打造的銅鍋奉客,夠晒正宗。

正宗四川麻辣火鍋 $138

「五椒焗肉蟹」(時價)

新店仲有特別獨家推出多款全新菜式,首推「五椒焗肉蟹」,以紅花椒、青花椒、胡椒、二荊條及指天椒,食味極刺激;此外,「三希吊燒雞」選用了約80日大的走地雞,講究的調味醃料,炮製出外皮金黃香脆、內裡鮮嫩多汁的傳統廣府菜式。川味菜式包括麻、辣及鮮俱全的「極品龍蝦麻婆豆腐」及「川麻豆腦滑牛肉」;而粵菜方面首推銅鑼灣分店限定的「五指毛桃銅盤蒸雞」及「雞油花雕蝦兵蟹將」。

三希樓半山店,一向都佈置成帝皇宮殿,新店就注入西方華麗元素,宏偉嘅吊燈加上《清明上河圖》及故宮為主題的大型浮雕、東方元素的藝術品,唯一無變的就是氣派。

「三希樓」 - 銅鑼灣店(現正試業)
地址:銅鑼灣勿地臣街1號食通天11樓1102舖
電話:2111 9952

摩登中菜采蝶軒今次載譽重開,新店落戶灣仔Garden East。
gourmet
摩登中菜采蝶軒 灣仔載譽重開
15 Dec 2017
網絡世界,好多嘢唔係真,睇相就「照騙」,食評固之然唔能夠盡信,但你又點諗到連餐廳本身都可能係假嘅。
gourmet
英國「打手」示範 如何在Trip Advisor 宣傳假餐廳
15 Dec 2017