尖沙咀永遠都是人頭湧湧，即使一個人要在該區「搵餐晏仔」，都是遠離人群為妙。在尖沙咀講人少，三角公廁一帶，即金巴利道與柯士甸路交界，冷門小店數目多，就是我等一班男人聚腳之地。不自覺走入百利巷仔，忘記了小食店百利來早已遷到元朗（目前仍在尋找鋪位），不過卻意外發現另一間食店。

這間滷友記，維持上手格局，神隱在百利巷弄之中。店主Daniel他本身做開西廚，之前同幾個朋友一齊夾份自己開店，最後卻只剩他一個。當西廚已久，私底下就不想再煮西廚食物，加上他特別鍾情滷水料，自己調配的滷水，走台式路線，減少甜味，加入自己秘製香料，加強滷水香氣。牛腩、牛筋、牛肚等主打的滷水料，先炆後滷，坐底3個小時以上。

由於區內商戶吃慣了上手小食店的炸物，所以此店亦保留一部份炸物。

要數店中最特別之處，應該是手工米粉，特意找廠方訂做，全屬自己的配方，感覺靠近新竹米粉，稍稍更粗更曲，質地更煙韌，微微帶米香，短時間索汁卻不快腍，極似我細個食的舊式口味。

滷友記

地址：尖沙咀漆咸圍2-4號金時商業大廈地下1號舖

營業時間：12:00nn - 9:00pm