{ SKIP }
文:MenClub William
POSTED ON 15 Dec 2017

網絡世界,好多嘢唔係真,睇相就「照騙」,食評固之然唔能夠盡信,但你又點諗到連餐廳本身都可能係假嘅。琴日先講完台灣個假米芝蓮大廚,今日又有新「假貨」,今次出現喺英國Trip Advisor,仲成為英國最佳餐廳。

英國一名男子Oobah Butler,本身就是一名「 網絡打手」,從事外國所謂的 "shady PR service" ,寫假食評,派正評,加上本身又有少少製作網站經驗,就聲言「要喺網絡上將一間假餐廳推到上『倫敦最佳』」,話俾人知Trip Advisor等評論網站究竟有幾真實!

為咗實行呢個計劃,建立咗一連串圍繞餐廳The Shed at Dulwich的行動,首先就係為餐廳設置一個網站,要有食物相,就用剃鬚膏、海綿、枱角去「創作菜式」,甚至影埋自己對腳當盤中食物。再搵黎自己朋友瘋狂留正評刷數據,更有技巧地進行,突破TripAdvisor 本身檢測虛假留言嘅系統,順利衝上新餐廳嘅頭位排名。

結果隨著排名上升,找上餐廳嘅人亦開始多,佢就用假電話專門負責接待客人的訂位,不過佢就以不同嘅理由去刁難客人,仲話「嚟緊六個星期Booking 已經滿晒」。接著食材供應商、求職者、甚至係PR公司找上門,不過仲未有任何人食過呢間餐廳食物。

最後, Butler決定將計劃落地實行,清理好後院作為餐廳,供應超市直接買入嘅冷藏晚餐,雖然有部份客人覺得中伏,不過依然有食客認為是次用餐經驗難得,話要再book咁話,老實講我真係跌咗個下巴落地下。

事實証明,網上「打手」嘅嘢,真係咩平台都有,我無話邊個呀,我係話在坐各位(打手)都係垃圾。記住,無嘢係可信嫁。
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023