{ SKIP }
文:MenClub William
POSTED ON 17 Jan 2018

返大陸食海底撈、小肥羊、大漁鐵板燒、烤魚或豬肚雞煲,選擇多的是,不過食牛如食麵的我,當然一心只想牛肉火鍋。北上一回,食潮汕牛肉火鍋,一樣食到吊龍伴、脖仁、三花趾等部位,人均不過一百人仔,你試過未?

前年年尾,香港出現一間專食牛肉的火鍋店,隨後整年都有不停有新牛店加入戰團,連本地最大牛肉買手雄哥都有一店,要知道與此同時,大陸各地都興起潮汕牛肉火鍋的風潮,單講港人最可及的深圳,大型連鎖品牌如「八合里海记」就已經有7、8間。只不過相比起聲勢浩大的四川麻辣火鍋,潮汕牛肉火鍋都被掩蓋。

有一次,北上陪女伴去TEAMLAB朝聖,剛回到酒店附近,冷風一起,看到這間龍記和順解牛,見有人在店內玻璃廚房中不停切牛肉,樣子看似「靠譜」,便膽粗粗入內一次。看Menu,牛肉部位大致和香港的一樣,吊龍伴、脖仁、三花趾等等,每碟不過30人仔,隨手點了個普通清湯和三碟牛肉。

干炒牛河 CNY20

你無睇錯,真係干炒牛河,「河」不似平日食到的嫩滑河粉,反而更具質感的麵條,味道夠,牛肉和蔬菜的份量頗多,老實講2個人打邊爐仲叫牛河,你有3個胃就可以食清光。

雪花(左)CNY33

即「脖仁」,位於牛頸後則微微突起的部位,肉質肥嫩而有嚼頭。

吊龍伴(右) CNY28

脊背上的一條長肉叫「吊龍」,前半部分屬Rib Eye,後半屬於Sirloin,兩條帶着肥肉的側邊就是「吊龍伴」,一條只有幾兩重,油香頗重。

牛舌(下) CNY28

不用多介紹,爽滑的口感,切心煮得過熟,我通常十秒內夾起就吃。



手錘生牛筋丸 CNY28

生牛丸,香港也不算常見,鮮甜的肉汁予人驚喜,彈牙程度極高。


總括而言,二人埋單連飲品,只是人仔$220,性價比相當高,不過環境當然屬室內大排檔格局,通風弱,堅嘈吵,自助的醬汁櫃也是限時fill滿。喂,你返得大陸,連五星級酒店都無保障啦,我信自己對眼,無見到任何奇怪舉動和不衛生情況,算係咁啦。想搵分店,請自行上大眾點評。

龍記和順解牛

地址:上沙商業大街上沙東村二十四巷三號

營業時間:11:00am - 3:00am

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023