{ SKIP }
文:MenClub William
POSTED ON 07 May 2018
我成日都話,去曼谷,一定要試當地的Fine Dining,食物同服務水準不遜香港,價錢亦實惠,不過近期當地一間知名泰菜,就有帥位變動,知名泰菜大廚David Thompson即將離開Nahm,女主廚Pim Techamuanvivit上場。
要講曼谷最有名的餐廳,我一定會提泰菜Nahm,位於曼谷COMO Metropolitan酒店,由當地極之有名的澳洲大廚David Thompson 主理,去過曼谷都一定聽過。由80年代開始長居泰國,多年來只鑽研泰國菜一門,被譽為比當地人更通曉泰菜的「泰國菜專家」。雖則首間Nahm其實早於2001年在倫敦開始(已結業 ),之後David Thompson便集中精神在曼谷分店之上。
Nahm多年前已成為「亞洲50最佳餐廳」、「亞洲十大最佳餐廳」,亦是今年曼谷米芝蓮的一星泰菜,當各地的米芝蓮漸被法國、歐洲菜所統領,能夠以當地菜突圍而出,靠的不單只是受食客歡迎,在菜式之中隱約可見泰國菜悠久歷史和底蘊。
大廚曾提及自己對泰菜的深度認識,取經自一位知曉宮廷泰菜的老奶奶,學成再將傳統泰菜、甚至是流傳的古老食譜,以現代手法重新演譯,每一道上碟的泰國菜,不但賣相精緻,香料的運用更為之鮮明。享受古風美食,環境也有相應配套,食客置身在舊日暹羅古都大城的廟宇,其實相當有feel。
上月尾,大廚David Thompson 就宣佈會離開Nahm,離開自己工作近廿年的崗位,繼任者是誰? 接手的則是女主廚Pim Techamuanvivit,一位放棄矽谷的事業追尋廚藝夢的曼谷本地人,來頭也不惹少。由成立網誌《Chez Pim》到在三藩市開辦其第一間餐廳Kin Khao,開業翌年便贏得米芝蓮星級殊榮,她曾提及「我希望nahm的食客感覺像受邀到泰國朋友的家中作客,並體驗味道濃郁、從心烹調的傳統泰國美食。」相信Nahm未來亦會有一番新境象,即將去曼谷的朋友記得去試下。
500歐元食住米芝蓮星級美食睇巴黎景色,幾抵呀!
gourmet
Alain Ducasse主理 嘆星級美食遊塞納河
16 Aug 2018
正如每個人心中都有座斷背山,每個男人心目中都會有間最愛的吧(對毒男們黎講可能係網吧),呢間吧未必有咩特色、未必有咩好飲、甚至連坐都未必好好坐,但你就係鍾意同班朋友三不五時去坐下、傾下計,呢間「吧」唔再係 ...
gourmet
香港都有!死前必到的150間酒吧
10 Aug 2018