不論你覺得自己係時候「保養」，定係怕死，養生基本上都已經係近年都市人關心的議題之一，你睇放工時人頭湧湧嘅gym room，或者週末嘅瑜伽班，都係為自己身體負責任姐。香港人過嘅生活，猶如營造糖尿病、肥胖、高血壓和情緒問題等各種都市病的溫床。「養生」方法有好多，你可以節食、做gym、keep住做運動，去得盡D，你可以斷食，甚至特登去一個專為養生的Trip。

提起菲律賓這個地方，可能好感欠奉，不過距離馬尼拉僅90分鐘車程，位於近郊利巴（Lipa），佔地48公頃，被叢林和群山包圍的The Farm at San Benito，就是一間結合Spa、醫療和休閒的大型度假村。

唔少人專程黎到呢度，為嘅就係一個專業、完整的養生療程。Detox D’Lite，5日4夜的排毒療程包括果汁斷食療程、綜合醫療服務、溫泉水療、營養指導及運動課程，即使每位接近1,744美元（兩位起），來客依然絡繹不絕，當中有唔少參加者係男士，因為聽聞佢地嘅按摩亦有針對肝功能的提升（無前列腺保養呀留意返）。

這個菲律賓內唯一提供全面醫療服務的度假村，療程由擁有國際級專業資格的醫生、水療師、營養師、健身教練和瑜伽老師設計及負責，曾獲德國SENSES頒發極具代表性的「世界最佳醫療養生度假村」的奬項。

重點是價錢，因為以同類型的酒店為例，閒閒地走到泰國布吉，可能動輒過三千，而即使你唔參加療程，房價都係約$2000起，仲會血液和身體分析、營養評估和健身評估、素食早餐、下午茶和健康小吃、每天3次瑜伽、冥想、健身課堂、健步及健康講座等，你一日求其上幾堂都已經實惠過香港。

菲律賓著名女星Iza Calzado 就是渡假村The Farm的代言人，已為人妻都仲好fit，我覺得有少少似謝安琪（感覺喳）。