近日最有話題，莫過於英格蘭八強戰擊敗瑞典，28年來首次出線四強，除咗見到香港人「老家」球隊有出色表現而高興，伊巴同碧咸嘅「打賭」先至係最好睇，一諗起伊巴著英格蘭波衫兼食Fish & Chips個樣，內心真係充滿歡喜。

事緣係咁，成日自稱「神」的瑞典球星伊巴謙莫域，喺賽前向英格蘭前隊長兼美職前隊友碧咸下戰書，如果英格蘭贏波，就請佢吃飯，不過瑞典贏嘅話，就請碧咸去IKEA同佢買傢俬。碧咸當然應承，仲「反大」伊巴，如果英格蘭贏波，伊巴就要去溫布萊球場，著住英格蘭球衫睇一場英格蘭嘅比賽，仲要食住Fish & Chips，咁大粒「花生」，唔係唔睇嘛？

賽果已訂，花生殼都剝好了，碧咸賽後隨即喺IG story 整張改圖 "looks like someone’s coming to wembley"，明串伊巴，再upload一段拎住紅酒chok 住講 "It's coming home"，係英格蘭1996年主辦歐國盃嘅口號，今屆世盃都老是常出現。另一邊廂，伊巴都願賭服輸，表明佢會赴約，黑底白字嘅一張圖，令平時囂囂張張嘅伊巴無晒霸氣，so9sad。

英國IKEA 都唔輸蝕，立即係賽後當日推行「$1英鎊食Fish & Chips」嘅優惠，當然人山人海（Well，本身當晚已經有一堆球迷特登去IKEA分店慶祝） ，仲upload一張衣帽架的新優惠，明送高帽俾英格蘭咁話，好出色嘅Marketing！