{ SKIP }
文:MenClub Mean娜  圖:MenClub
POSTED ON 26 Nov 2014

秋冬來臨就要打邊爐應該是常識吧?潮流興食雞煲,有冇邊間雞煲正正子值得推介先?Mean娜就鍾意Openrice「得獎熱店」之一嘅「一品雞煲火鍋」。佢喺荃灣葵青區非常出名,現時由荃灣總店一直開到土瓜灣都有分店,住得遠嘅朋友唔駛下下都入荃灣食雞煲(不過我淨係試過荃灣嘅總店同分店,其他區冇試過,唔知質素如何)

今次介紹嘅「一品雞煲火鍋」位於荃灣大鴻輝中心(舊名︰英皇娛樂廣場),呢間分店佔地庫全層,地方寬躺,座位與座位之間有距離,私人度足夠,而且卡位數目亦很多,座位背靠夠高,坐得非常舒服。另外由於係新裝修,所以地方乾淨光猛,冷氣亦夠大,食完唔會一陣雞味,so nice!





佢嘅點餐紙類似打邊爐咁樣,有秘制雞煲(招牌)亦有其他火鍋鍋底,可以選擇辣度,以及是否走蔥等要求,非常細心。

雞煲可以選擇勁、大、中、小、微、不辣,亦可以選擇多麻、少麻、走麻,一隻雞$188,而半隻雞就$118,秘製雞汁亦可以額外再叫,每碗$10。

砂鍋材質嘅鍋內可以看見一塊塊秘制雞件,仲有花椒、八角、紅洋蔥、芫荽和辣椒仔等材料,雞煲滾騰後就可以開著小火來保溫。



秘製醬汁濃稠,又麻又辣十分惹味,滑嫩嘅雞件吸收了醬汁的香辣味,Juicy又入味。


食完雞煲嘅雞件後,就可以加入湯汁,變成火鍋湯底,一煲兩食。呢度嘅配菜都算豐富,肉類以牛肉為主,而店內主打各類高級牛肉以及牛肉製品,例如牛滑、牛肉丸等,亦有少量海鮮。

介紹下大家常叫嘅牛肉,牛肉有分「手切肥牛」、「A級安格斯肥牛」、「美國雪花肥牛」,呢度嘅牛肉都好新鮮,而且口感軟稔又不乏咬口。

另外響鈴都係店內其中一個招牌必點配料,香脆以外亦能吸收香濃湯汁。

呢度嘅手打丸都值得一試,機攪嘅肉會被機器攪得太爛,不能保留肉汁肉味,而人手剁則可以保留肉的質感和肉汁,亦令肉丸更彈牙。

Mean娜個人就好喜歡加烏冬,「一品雞煲火鍋」嘅烏冬口感唔似坊間嘅烏冬般粗製濫造,依然烏冬軟實的咬口,也相當滑溜。



順帶一提,呢度嘅檸檬茶等飲品都非常大杯!好似啤酒杯咁大,唔駛十幾分鍾就叫一次飲品咁麻煩。


地址︰荃灣眾安街55號大鴻輝中心地庫二樓
電話︰2697 3337
營業時間︰星期一至日: 17:30-03:00
價錢︰$101-$200
網址︰https://www.facebook.com/greatrestaurantchickenpot?rf=211975962173855


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023