{ SKIP }
文:MenClub Mean娜  圖:互聯網
POSTED ON 27 Mar 2015
喂喂喂!聽講3月23-24號英國名廚Jamie Oliver喺香港出沒?真定假先?正所謂「冇圖冇真相」,佢Instagram就Post咗自己隻腳,仲話Goooood Morning HONG KONG!


Jamie Oliver露出腳仔引Fan屎

廚神失驚無神嚟香港做咩呢?

原來Jamie Oliver的意大利餐廳Jamie's Italian,自從去年於香港銅鑼灣金朝陽中心二期Midtown落戶,就一直大受香港人歡迎,所以廚神特意嚟香港,就係為為第二間香港分店籌謀。

Jamie3月23日抵達香港,去Jamie's Italian視察欲及以探望員工,第二日早上再與傳媒見面,解答記者問題。


有冇人野生捕獲到Jamie??

新店將於今年5月,喺尖沙咀海港城(海洋中心4樓412號舖)開業,男士們以後又多個地方食住等女朋友買衫。

新店貫徹Jamie's Italian特色,主餐牌繼續提供受歡迎菜式,例如鮮蟹肉意粉、墨魚汁意粉、松露意粉等,亦推出龍蝦及招牌薄餅等全新菜式。

佢又指未來會繼續提倡天然食材同埋素食,並同本地學校合作,推廣均衡飲食教育,希望小朋友食得健康。



海港城又多個地方食好嘢
雖然Jamie只在香港逗留一日,但巡視完銅鑼灣店,同部份傳媒同餐廳團隊會面後,都不忘周圍搵食。又到訪本地街市,發掘各地道食材,又食牛筋牛腩河、五花茶、雞蛋仔、魚蛋、炸豆腐等等,更大讚豬血粥好味又特別!


Jamie Oliver同朋友開心Share牛筋牛腩河
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023