{ SKIP }

POSTED ON 28 Dec 2016

一個廚房永遠唔會得一把刀,每把廚刀設計唔同,用途當然有唔同,最簡單就係你用生果刀切麵包,永遠都切到成個包扁咗。廚刀嘅世界,真係大把嘢可以講,由最初分類,中式、西式同日式三個主題,尤其是後兩者都有仔細嘅分支,例如日本刀基本都已經可稱為出刃(切海鮮)、薄刃(切菜)同柳刃(切刺身)3個分支。除此之外,仲有鍛造、用料、牌子等等,所以今次只係好係咁易好簡略地介紹下廚房裡面應該要有嘅刀先。


以下咁多款廚刀,唔知你又用過幾多款呢?

Chef 's Knife 主廚刀

刀鋒長,刀刃嘅部份為弧形,長度6至12吋都有,最常見就係8吋(20cm)。菜果魚肉,樣樣啱切,係比較萬用型嘅一把刀,係西方人眼中係廚刀嘅基本。


Santoku Knife 三德刀
三德,意即駕馭切片、切塊同切碎,或者能處理果菜肉三類食品,可以說係東方版本嘅日系主廚刀,長度比主廚刀短,約7吋,刀刃較闊,屬萬能型刀具,有部份刀刃面有少少挖空,切菜時留有氣袋,唔易「痴刀」。




Utility Knife 萬用刀
比主廚刀更細小,大約4至7吋,刀鋒長且窄,汎用性高,不過同時間比唔上其他刀專精刀類。又有Sandwiches Knife之稱,搽埋牛油,更加方便。


Carving 切肉刀
專精切肉嘅廚刀,同主廚刀都大嘅分別係刀身更薄,甚至鍛造得更有韌性,酒店自助餐不時都會出現,仲會配合埋叉一齊用,片一塊好大嘅肉俾你。

Cleaver 斬肉刀
外型近似傳統嘅中式菜刀,刀鋒厚重,斬肉時隨地心吸力而上而下,處理大嚿肉最啱,屬於大型刀類。


Slicer 片肉刀
Cleaver 負責斬大型肉件,Slicer 就負責,刀身更窄更長,最常見就係切黑毛豬火腿用。

Paring Knife 小切刀
體型最小巧,長度約4吋或更小,又可稱為Parer,呢把小刀仔一般用嚟處理蔬菜,切蕃粒,幫薯仔去皮,專處理小型食材。

Boning Knife 去骨刀
刀身窄且前段幼長,在於剔除骨頭、筋腱同肥肉,而且通常都有彈性。


Bread Knife麵包刀
鋸齒狀嘅刀鋒,切麵包或其他外硬內軟的食物,唔可以切肉或魚,因為佢切唔到一個完整嘅平面。


由北京開到香港嘅新派日菜,主廚話唔係個個人啱食,就好似秋葵咁喎!?
gourmet
【由北京到香港】跳脫新派日本風-——OKRA
29 Mar 2017
雙面刃係兵器上見得多,係廚具界就真係少見,呢個由美國公司設計嘅雙面刃Doppio,用嘅係日本鋼材。一刀兩邊,一邊係正常平口刀鋒,另一邊就係鋸齒刀鋒,用途多多。即使兩面刃不同,刀身都經過特別設計,刀鋒同刀柄重 ...
gourmet
【廚房之刀具】單邊刀不如雙面刃
28 Mar 2017