{ SKIP }

POSTED ON 30 Dec 2016
除夕夜,唔係party就係party,如果係一班男人嘅聚會,我覺得啤酒同薯片係無得輸嘅配搭,愈食愈口渴,愈食愈口痕,到最後望一望自己啤酒肚,就知瀨嘢啦(暗啞底好多女仔都鍾意有肚腩嘅)。不過現實係,人大咗,腰間無幾圈肥肉點出嚟見人?(自我催眠中)為左令各位兄弟繼續加添男士魅力,特登搵個配搭大全返黎,共勉之!


近年大熱嘅精釀啤酒(香港好多譯做手工啤酒,我跟台灣譯名,因為感覺專業D)興起,連帶所有啤酒嘅種類都多咗好多人認識,絕對係件好事!呢個由專業酒類網站VinePair設計嘅啤酒薯片配搭列表,長年啱用,咁都証明咗啤酒風味繁多,又可以有豐富配搭嘅優點,最重要係價錢唔貴嘛,記得bookmark定慢慢睇啦!



Kölsch科隆啤酒酒體輕且香氣味道平衡,遇上酸酸嘅口味好似醃黃瓜薯片,感覺夠爽! Pale Ale配海鹽黑椒則係基本嘅配搭,鹽味點醒Pale Ale嘅啤酒花香


Belgian Dubbel修道院啤酒有著深琥珀色,濃郁嘅麥芽同焦糖香氣,同甜度高蕃薯片其實幾夾。 其實唔一定要grapefruit IPA,飲配勁辣嘅墨西哥辣椒jalapeño,飲帶有橘子風味嘅IPA會有個有趣嘅衝擊(但解唔到辣)。


Gose喺德國酸啤,同香草味嘅薯片比較搭調。
原味薯片好寡?試上配埋同樣簡單平淡嘅Lager,尤其是大廠出品,反而有奇效。


小弟最愛重口味,黑啤Porter同Barbeque薯片同樣有陣如出一轍嘅煙燻味。
SAISON唔係講緊越南啤,而係屬於比利時嘅農夫啤酒,在冬季休耕時釀製酒,通常會加入啤酒花或香料野生酵母等一起發酵,夏季工作時再拎出黎飲,有種特殊香料風味,同法式蜜糖芥末一樣咁複雜。


ESB 全名係Extra Special / Strong Bitter,係啤酒中一款異類,追求苦味嘅平衡,鹽醋味並重嘅薯片,會唔會啱KEY?
飲IPA 就係追求啤酒花嘅迷人香味,食薯片就用酸忌廉嘅酸勁同洋䓤嘅刺激,去提升啤酒花嘅氣味。 

金黃色嘅Pilsner,入口清淡清爽,濃味帶鹹嘅薯片就係一個簡單而完美嘅配搭。

被譽為最似紅酒嘅比利時啤酒 Flemish Red Ale,水果味重,酸度高,又因儲於橡木桶而有雲呢拿香,配埋一齊,絕對係味覺大混戰!



天氣凍冰冰唔想出街,「迫住」留係屋企,但如果閣下「前世做錯事,今世睇樂視」,睇睇下英超無得睇,俾著我就真係成盤薯片車落電視啦!


Source: VinePair




究竟巴黎呢個地方有幾正?係咁易介紹一日行程俾你!
gourmet
【學識法國人的浪漫】巴黎一日約會指南
28 Jul 2017
見過Linda Miller Nicholson嘅意大利粉,色彩繽紛,絕對可以用藝術去形容,況且全部都食得嫁!
gourmet
【彩色意大利粉!?】美食界Lady Gaga癲喪美食創作
28 Jul 2017