{ SKIP }
文:MenClub William 圖:互聯網
POSTED ON 03 Jan 2017

呢幾日party 咁多,我諗大家都好出力咁飲咗幾晚,或者你今晚都繼續會飲,一朝起身,最麻煩就係hangover,頭又痛又發吽哣,飲咖啡都無用。不如睇下世界各地有咩食譜專對付hangover,等你晨早食完都無咁痛苦先啦,又可能你睇完已經醒一醒......


酸瓜水
醃黃瓜嘅水,原來都係解酒名物,同酸梅性質類同,呢個醃酸瓜都以鹽同醋醃製,鹽可以補充電解質,不過酸度肯肯定比酸梅低一截。


酸梅(梅漬け)

日本人會食酸梅,點解?因為酸梅通常都係用鹽同醋醃製,鹽可以補充電解質,不過日本食嘅酸梅的確酸到一個點,即使你放落綠茶度啪落去,依然酸度不凡,希望你個胃頂得住。


公牛鞭

來自意大利西西里嘅家庭觀眾俾嘅家傳食譜,當地人除咗視之為壯陽性物,仲會將公牛鞭拎去炸,或者製成乾咁食,咪玩啦,醉醒聽到話要食公牛鞭我都嚇到醒啦,仲使食咩?


鴨仔蛋

唔止係解酒類別,應該係全世界數一數二嘔心嘅,本身食蛋就有解酒之用,但菲律賓人唔止解酒食,平時都會啪幾粒,壯陽咁話囉~不過成隻鴨仔喺蛋裡面,我應該會嘔晒琴晚飲過嘅嘢出嚟。



對於連血都有酒味嘅酒鬼,不妨用以毒攻毒,以酒攻酒嘅方法,睇過《Anthony Bourdain : Layover》個節目,見到佢前一晚飲到天光,但第二朝又要落酒吧飲一shot whisky,仲話呢個方法唔會死喎。


BLOODY MARY

正路嘢,主要都係蕃茄汁加vodka,加多少少檸檬汁,主要都係想酸到你醒姐。


Prairie Oyster

聽個名以為有生蠔,實情係生蛋,蕃茄汁、辣椒醬、鹽同黑胡椒,大抵同Bloody Mary差唔多,不過仲有細個成日出現嘅李派林喼汁(Worcestershire sauce ),都係一大lot嘅味覺衝擊,咁其實食生蠔會唔會好D?


Buffalo Milk

喺非洲嘅納米比亞Namibia,當地人就會炮製一道cocktail,用clotted cream,即係一隻好濃嘅cream,平食scone會見到嘅,仲有dark rum、spiced rum同cream 類酒,成杯酒除咗奶就係酒,糖分有利解酒,但飲完應該係飽到呆呆滯滯。



眼見台灣名店如Dazzling、咖啡弄一個個後輩都進佔香港,度小月終始終要來,新店坐落海港城,有古早味有海景view,不過就....
gourmet
【嚟得太遲】台南名店度小月擔仔麵
23 Jun 2017
最近上海就出現咗外國科創公司嘅自動駕駛流動7仔車,呢個concept,呢個環境,只能夠講太大勇氣。真心想問雖然有自動駕駛,咁撞到撞車黨會點?
gourmet
【我見到勇氣】上海無人自駕流動商店
23 Jun 2017