{ SKIP }
文:MenClub William 圖:MenClub
POSTED ON 03 Jan 2017
如果話要講2016年嘅打邊爐主題,香港人腦海中都會出現「雞煲」呢個字眼,不論麻辣、走辣、芝士等等等,都食足成年,都係時候轉一轉。椰子雞鍋由上年中已經漸漸喺香港各區開店,接著嚟會同雞煲勢力分庭抗禮。椰子雞鍋呢個來自海南嘅名物,以海南椰子水配文昌雞,甜而不膩,一個字,「潤」。呢排天氣又凍又乾燥(凍同熱永遠無得估),身邊總有幾個邊爐友食完個雞煲都話頂唔順,第日實生痱滋,燥熱到一個點,係時候潤一潤!


傳統嘅椰子雞鍋,一般都會只會落椰子水,簡單帶出雞嘅鮮味,不過呢間火鍋店用特別海南椰子水加上椰皇水混搭,椰味更濃,而且指定要飼養期 150-180 天嘅文昌雞,輕煮7-8分鐘,椰香撲鼻,雞肉鮮嫩,點一點自家製海南醬,為雞肉味道添加一種刺激,卻沒有如麻辣雞鍋的重負擔。


湯底清甜,點可以讓雞肉獨享?店內的火鍋食材選擇頗多,例如佐賀 A5 牛肉、安格斯牛小排、各款自家製手打肉丸,由新鮮蔬菜都是其亮點,羽衣甘藍、褔岡水菜和青森小松菜,不乏日本直送。不過正當以為火鍋店只有火鍋,店中還有煲仔飯、甜品、甚至是cocktail,百搭程度好比茶記!


阿拉斯加蟹蠔塔海鮮拼盤 $1088

店中最新出品,這款阿拉斯加蟹蠔塔海鮮拼盤,有齊美國、法國和愛爾蘭三個產地的生蠔。不過主角當然是豪華的阿拉斯加蟹,殼薄肉厚,超多肉。拼盤上還包括熟蝦、青口和翡翠螺,更有一支白酒,當然要同班fd 先食一個先打邊爐啦!


招牌椰子雞鍋 $ 238/隻, $128/半隻

湯鍋是椰子水加椰青水,味道甜,將雞件放落湯中,輕煮7-8分鐘即可吃。海南文昌雞皮薄,脂肪偏少,雞肉尚算嫩滑。


食雞要點呢個充滿海南風味嘅沾醬,沙薑蓉、青柑桔和指天椒,沙薑不辣,風味獨特,好酸的人可以加倍柑桔,有助消滯。


安格斯牛小排 $238/份(大)

打邊爐都要食得豪,牛小排肉味濃郁,嗜牛者必食,以$238一份大的來說,頗划算。


手打墨魚丸  $ 68/份

黑白兩色同樣彈牙,墨魚滑粗中有細,也沒有腥味,味道吃得出新鮮。


羽衣甘藍  $ 49/份

近年大推的super food羽衣甘藍,平時都係切碎撈入沙律,或者打碎當smoothie飲,放入打邊爐真心少見。建議不要淥太久,因為湯底較甜,煮久了會令,掩藝了蔬菜本身的甘甜味。


太子店面積達萬多呎,火鍋店中實屬巨型,而且店中出奇地以工業風為主題,,感覺比一般的火鍋店新潮。


四季文昌 CoCo Kitchen

地址:旺角荔枝角道 33 號百匯軒地下及 1 樓全層

電話: 2499 2700

地址: 尖沙咀金巴利道 35 號金巴利中心地下 A 及 B 舖

電話: 2778 7955

營業時間:11:30am – 12:00am

放假係點?就係要舒舒服服攤喺沙灘,飲住杯插著遮仔嘅cocktail,椰林樹影,安安樂樂訓個靚覺。之不過,越諗越傷心,因為我仲係鍵盤前打緊文。 我決定今晚落中環,去個好有渡假feel嘅地方飲返杯。 ... ... ... ... . ...
gourmet
【異國熱帶風情】 中環樓上正宗Tiki Bar
24 Feb 2017
世間上有一種芝士,遠超拉絲嘅「邪惡」,可說是地獄級別嘅程度,因為味道極濃烈,聲稱食完aftertaste 長達幾個鐘,希望你睇完之後,唔會再染上芝士癮。 ... ...
gourmet
【真男人之飲食】超極端美食蛆蟲芝士
23 Feb 2017