{ SKIP }

POSTED ON 05 Jan 2017


今時今日,影相呃like已經係都市人嘅日常routine,唔止係食飯先影相(應該係影相唔食飯)嘅港女,好多男人對食物相都有一定嘅要求,應該有唔少都係「廚男」。煮得一手好菜,都要記得”presentation is everything”,味道固然要有,但賣相唔好真係難少少挑起食慾。想擺得四四正正,其實唔難,睇片學技能,GET!


美國有間提供專業廚師課程嘅學院,叫做The Institute of Culinary Education,佢地製作咗幾段短片,教你認識擺盤嘅基本知識,概念、工具、風格、方法都有講解,唔齋講,仲用例子答你,例如教你三種唔同擺盤放煎鴨胸,只係用幾種食材去擺盤,睇落唔算難,至少知道個做法先。





Classic Approach

最基本嘅擺盤,放喺盤嘅中間,將食材集中堆放在中間,配菜都圍繞著中心,好典型又好容易影到靚相嘅做法。


New Nordic Approach

感覺較隨意,只將食物放在盤的一邊,呈現不對稱嘅空間,亦有加上唔同嘅點綴,北歐菜較常見。


Linear Approach

好似喺盤面中間一劃,所有食材擺設從線性發展,驟眼睇同Classic Approach好似,但其實換個盤你會見到更大分別。



擺盤嘅嘢,除咗要睇你天生有無些少藝術天分之外,你得閒可以上網學下,慢慢累積,即使你喺自己屋企都可以練習得到。你得嫁!睇好你!

Source: The Institute of Culinary Education



由北京開到香港嘅新派日菜,主廚話唔係個個人啱食,就好似秋葵咁喎!?
gourmet
【由北京到香港】跳脫新派日本風-——OKRA
29 Mar 2017
雙面刃係兵器上見得多,係廚具界就真係少見,呢個由美國公司設計嘅雙面刃Doppio,用嘅係日本鋼材。一刀兩邊,一邊係正常平口刀鋒,另一邊就係鋸齒刀鋒,用途多多。即使兩面刃不同,刀身都經過特別設計,刀鋒同刀柄重 ...
gourmet
【廚房之刀具】單邊刀不如雙面刃
28 Mar 2017