{ SKIP }
文:MenClub William 圖:互聯網
POSTED ON 12 Jan 2017

日式串燒好常見,香港地幾乎大街小巷嘅日本餐廳都有供應,反而同是串物嘅「串揚」(串揚げ),人氣無咁高,你有無食過?


「串揚」其實係流行關西嘅一種小食,沾上炸漿油炸的串炸,喺香港都甚少有專門店,唯獨是呢間來自大阪嘅串揚專門店,喺大阪及東京共有 12 間分店,亦係香港第一間海外分店。小店其實上年年頭已經係灣仔落戶,但位置隱蔽,行過好容易走寶,只有識食日本人先會找上門。


menu 裡主角串揚佔最多,約有廿多款,肉類海鮮、新鮮蔬菜各佔一半,亦有供應少量串燒同飯糰、炒麵等飽肚嘢,最後記得食埋個甜品,甜品方面亦有來自長崎的蛋糕及日本雪葩,唔使擔心食唔飽。本身開張時只做晚市,但依家做埋午市套餐,價位係區內唔算高。


處理串揚等炸物,最考師師傅功力,炸串揚嘅油要混合 3 款日本入口嘅油調成,因應唔同食材用唔同溫度製作,炸漿則要每天在廚房調好再發酵半天先可用。小弟都上去親身食過,閒日都會爆場,而且去親都幾乎有日本人,不過無訂位晏少少8、9點食都OK,等食都需要耐心,真心要試呢個大阪名物!


串揚定食 $126

午市供應嘅定食 ,輕輕地試食五款串揚,雞胸肉紫蘇卷、洋蔥、香腸椎茸、三文魚和香菇。


你問我串揚炸得好唔好?坦白講,件件炸粉皮薄,色澤金黃,真係高質,雖然少貴,但抵俾。


Jan Jan Kushikatsu
地址:灣仔皇后大道東 100 號 2 樓
電話︰2157 1408
營業時間:12:00pm - 3:00pm、6:00pm-11:00pm



總係覺得香港無乜大食比賽,究竟香港係咪無咩人好大食?下個月就係HONG KONG SEVENS ,可能咁熱血嘅活動會引起食慾啦(gay test),近排有餐廳都趁機推出大胃王漢堡挑戰大餐,食得晒就唔使錢,覺得自己好大食嘅咪試 ...
gourmet
【大食仔召喚】鬥食Burger大胃王比賽
24 Mar 2017
我相信只係甜品個擺盤比較特別D姐...嚇我唔到嘅...
gourmet
【M巾裝啫喱】餐廳奇怪擺盤之最
23 Mar 2017