【烹飪節目唔睇方太】英國靚太教煮餸

POSTED ON 18 Jan 2017

如果你有睇開TLC Channel，有個靚靚英國主婦教煮餸嘅節目。睇睇下你會發覺，成個節目好似淨係close up 個女主持，即使係切菜、落鑊、煎嘢，個鏡頭無時無刻都係放係佢塊面上，基本上睇完教整一個餸，你之後淨係記得個女主持塊面，呢個亦正正就係Nigella Lawson嘅特色。



呢位英國靚太Nigella Lawson，年紀唔細都有57，飲食作家兼節目主持，自98年出完本食譜再拍烹飪節目就走紅，算係上黎應該同Jamie Oliver同期。上年年中就去左紐西蘭擔任《MasterChef》嘅客席評審，聖誕檔期出嘅食譜仲打入Tesco's賣食譜頭三位，又輸咗俾Jamie Oliver。

咁佢實際教人煮餸係點？好似個靚太，好悠閒，慢條斯理，唔會好似Jamie Oliver 又趕又整到地方超級messy，我自己就麻麻，因為睇得耐會好眼瞓。



外國嘅烹飪節目，不論英美澳，大部份就會搵本身做廚師嘅人去教煮餸，家庭廚出身嘅相對較少，但Nigella 極受家庭主婦歡迎，甚至唔少男士都鍾意睇佢，原因真係唔使講，甚至有封號， "domestic goddess"！

Jamie Oliver 成日都有有意無意取笑Nigella，不過佢個Fd笑匠兼主持人James Corden仲衰衰地講佢嘅節目似Porn。