{ SKIP }
文:MenClub William 圖:MenClub
POSTED ON 19 Jan 2017

就到過年,又要諗定買咩生果送俾長輩同屋企人,除咗劏你一頸血嘅超市,照計都要去一去油麻地果欄掛?生果多過人嘅果欄,款式未必多過超市,但撞啱當造嘅水果,選擇夠多又集中,咁啱1月盛產澳洲車厘子,點都要落去走一轉。


黎到果欄買生果,少不免都要來來回回踱幾次步,因為第一二次黎,你總有一種要格下價、貨比貨嘅心態,正常嘅,況且成場都係賣緊澳洲車厘子,有平有貴,姐姐落足咀頭你自然就落搭,所以你至少都要有少少準備,我地menclub就幫你做定功課,睇完先去揀,唔會覺得慘!

車厘子嘅4大迷思



產地?

車厘子主要來自智利、美國、澳洲、紐西蘭,1至2月嘅果欄係屬於澳洲車厘子,比美國貨早咗足足5個月,當中塔斯曼尼亞嘅貨源質素最高,甜度亦最高。品種方面,以Lapin最常見又最受人歡迎,通常會印係盒上。




牌子?

買衫買鞋鍾意追牌子,有時食生果都可能要睇牌子,但來自塔斯曼尼亞嘅貨源,來去都係呢幾款,紅寶石TR(Tasman Ruby)、樹熊Koala、43°等等等。不過聽各檔檔主講,今年塔斯產嘅車厘子都比往年差,不論甜度同脆度都稍遜,所以唔一定要死追塔斯曼尼亞嘅貨源,相反澳洲(新南威爾斯洲)、紐西蘭嘅出品都唔差。


點揀?

外表要有光澤,乾身新鮮,果梗要綠,果實愈深愈甜,皮脆肉厚,食落汁多爽甜帶微酸最好,再視乎你想食甜度嘅而選擇。車厘子按果實周界大致分為3個size,小28mm-30mm、中30mm-32mm、大32mm-34mm,越大就越貴,最貴見過$7XX一盒。Bigger is better?亦唔一定,要問返檔主貨源嘅質量如何先至穩陣。


點買?

小弟行咗幾個街市,發覺無標明牌子、正正常常嘅車厘子都要$40-$60磅,而喺果欄賣嘅盒裝車厘子,一盒2kg,約4.4磅,小弟買開$300 - $400呢個價位,質素已經好唔錯。大部份喺果欄買車厘子,都係一盒一盒咁買,想知車厘子係點樣,打開先知,亦無得試過先買,雖然有散裝,可能價錢稍低,亦可能係美國出產嘅澳洲品種,老實講都唔係差,視乎你有咩budget啦!


點存放?

檔主話車厘子易壞,濕水仲易爛,所以基本上都要放保鮮格,放一兩張廚房紙係盒內,鋪係車厘子上面,會放得耐少少。唔建議買散裝嘅車厘子,因為有盒有保護,無盒就難免易有碰撞,再者有機會被回收再用,你明啦?

車厘子似公主病港女,輕輕掂下都會整損,濕水又易爛。

特別鳴謝豐盛果欄嘅Osman,為各位讀者詳細解釋澳洲車厘子嘅資料,感激萬分。


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023