{ SKIP }
文:MenClub William
POSTED ON 18 Apr 2017
唔知呢排係咪食沾麵食開條癮,一講起食麵就自動想食沾麵,加上近排天氣開始熱,成碗熱辣辣嘅拉麵真係有點吃不消。今次唔覺意去咗紅磡嘅「大勝軒丸一」,話說此店乃是日本發明沾麵,有「沾麵之父」之稱嘅山岸一雄嘅入室弟子所開設,來頭猛,不過一句到尾,好無食先?


其實好幾年前佐敦個拉麵Champion都有出現過聲稱師承山岸一雄嘅沾麵店,打正「大勝軒」旗號,講真呢位日本沾麵之父桃李滿門,弟子多達100人,徒孫散佈各地,用呢個名開嘅多不勝數。「大勝軒丸一」嘅創辦人田中榮一就係山岸一雄最後一個入室弟子,貨真價實,亦係唯一能夠用「大勝軒丸一」嘅名號。


「大勝軒丸一」上年年中已經喺太古開咗分店,紅磡店亦在不久後開張,主打沾麵款式多達十數款,以大勝軒沾麵、拖羅叉燒沾麵、魚介沾麵三款最多人食,湯底從日本工場直送,原汁原味,依足師傅配方加入糖和醋,更會視乎款式加入不同的醬油,如鹽味、辛沾等等。


拖羅叉燒沾麵 $82

拖羅叉燒就是一塊肥瘦相間的厚切五花腩,用日本秘方浸過再煮,炆得軟腍,猶如拖羅般肥美。

湯底濃郁但質地偏稀,對於我呢類重口味人黎講可以再重味少少。


田中師傅極重視沾麵的質地,麵條過冷河後,麵質彈牙,很有嚼頭,放在湯中剛好掛汁。


點餐紙有得揀涼定暖嘅拉麵,本身個湯嘅溫度都只能夠講微熱,如果點咗涼麵嘅話,有機會令你覺得碗湯唔夠熱。

食完麵記得叫店員下昆布高湯,熱度回升,是可以直達喉嚨的美味湯汁,很順口。

大勝軒
地址:紅磡黃埔花園第4期享膳坊地下G14號舖
電話:2763 6268
營業時間:11:30am - 10:30pm



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023