{ SKIP }
文:MenClub Mean娜  圖:互聯網
POSTED ON 08 Feb 2018

話就話「牙痛慘過大病」,但似乎好多人都唔會特別關注牙齒健康問題。其實除咗食得多甜嘢同唔刷牙之外,仲有好多生活習慣會影響牙齒健康,你又知唔知自己中咗幾多?


咬指甲
咬指甲唔單只唔衛生,仲好易破壞牙齒琺瑯質。

飲完咖啡、啤酒、碳酸飲品後即刻刷牙
好多人都以為食完嘢飲完嘢即刻刷牙就可以維持牙齒健康,但如果係咖啡又或者汽水呢啲刺激性飲品,就唔好一飲完就即刻刷牙,最好都係隔一段時間再刷牙,因為刺激性飲品嘅成份會令牙齒變軟,如果立即刷牙反而容易刺激牙齒。

咬冰粒
唔少人天氣熱時都會食吓冰粒降吓溫,但冰粒本來就容易刺激牙齒,加上大力咬冰粒呢個動作可能會令敏感牙齒斷裂。

食溫差大嘅食物
冷熱食物交替咁食唔單只容易令腸胃唔舒服,仲會一直刺激牙齒,牙齒就會愈嚟愈敏感。

大力刷牙
好多人誤以為刷牙要大大力先夠乾淨,但其實力道過大好容易傷到牙齦,嚴重嘅仲有機會導致甩牙危機。

用牙籤撩牙
如果撩牙時方向唔啱,牙籤一樣容易令牙齦受傷。

吸煙
吸煙唔只會令牙齒容易變黃,仲好容易引起牙周病等問題。

估唔到,原來鼻敏感對患者造成嘅壓力,可以嚴重到促使患者自殺!
healthandfitness
韓國醫生發表︰鼻敏感患者自殺率高1倍
23 Mar 2018
所謂「尾指包膠法」其實就係將類似撒隆巴斯之類帶有清涼感覺嘅膠布,黐喺尾指第二個關節,據聞只要咁做,就可以瞓個好覺消除疲勞!
healthandfitness
一次過改善失眠疲勞肩頸痛 超神期尾指包膠法
05 Feb 2018