{ SKIP }
文:MenClub 波特先生  圖:MenClub
POSTED ON 15 Aug 2018

做運動嘅朋友就梗係想越做越健康啦,但不過有陣時都會事與願違,甚至有時候更會發生意外,令自己受到傷害。受傷害呢樣野相信無人會想見到,之不過事實卻係唔到你話事,特別係一啲碰撞比較多嘅運動,例如美式足球、拳擊、籃球、足球等等,而近期腦創傷可以話係非常受關注嘅課題,連英格蘭傳奇射手舒利亞都走出黎指頂得頭搥多球員可能會引發痴呆症,所以如果你都擔心自己有呢個問題,就一定要留意啦!

今次我地MenClub就搵黎兩位專科醫生Dr. Li(腦神經科專科醫生)及Dr. Chin(脊骨神經科醫生)講解下香港腦創傷及復康嘅情況,另外亦都有外號「掠火」嘅三屆香港泰拳拳王陳俊賢講下自己作為搏擊運動員,係咪都真係會出現腦創傷嘅問題呢?

有關腦創傷嘅情況,Dr. Chin就表示喺運動當中其實最常出現嘅會包括泰拳、拳擊、欖球、美式足球、足球等,但由於香港對於呢方面嘅認識較少,所以唔少朋友,甚至連動員撞到個頭之後會問「點解我會成日暈呢?點解我會浮浮地咁呢?」然後就唔理繼續進行運動,直到自己嘅身體功能受損先知道要睇醫生。

Dr. Li就指出,當人嘅頭部不斷受到好重或好大力嘅撞擊,腦部就會出現異常,其中好似美國嘅拳王阿里,就被診斷患有柏金遜綜合症,因為佢嘅腦部經常有唔正常嘅震盪。而另外足球員亦都一樣,佢地不斷頂頭搥其實就好似被人用拳頭打落頭部一樣,所以佢地都會比平常人大機會引致腦創傷問題。

作為泰拳冠軍,「掠火」陳俊賢除左贏得唔少獎項榮譽之外,當然就唔多唔少「贏得」唔少傷,其中由於泰拳會被攻擊頭部,所以受到腦震盪嘅機會會比其他運動黎得更大。不過陳俊賢就指出,其實頭部最常被擊中並唔係比賽期間,而係訓練,因為訓練期間會頭部會不斷被教練擊中,而結果就係經檢查後佢真係患有輕微腦震盪。幸最終機緣巧合下搵到Dr. Chin幫忙為佢進行復康療程,如今啲反應都接近完全回復了。而陳俊賢亦建議一班運動員先祈唔好睇少腦創傷,如果發生事故一定要搵專業嘅醫生檢查,否則後果可大可小。

為左配合療程,兩位醫生嘅康復中心亦有引進最先進嘅儀器,其中包括協助因為腦中風而手指及手臂唔能夠控制自如嘅病人,佢地會配合電子遊戲令病人更容易接受治療,令治療效果最大程度咁增加。

如果直接用130萬嚟追女仔,會唔會更有效率呢?
healthandfitness
【值得嗎?】165cm美國男因識唔到女友 豪花130萬做手術增高13cm
14 Apr 2023
日本女電競選手たぬかな,去年因為嘲諷「矮人冇人權」而被封殺,今年初復出後又指「矮人小器又暴燥」再次炎上。不過近日一個研究就發現,原來身高真係同一個人嘅心理健康有關,而且矮人的確會更傾向擁有「黑暗人格」 ...
healthandfitness
【研究】美國研究指矮人更易擁有「黑暗人格」
06 Mar 2023