今年開始愈來愈多人鍾意玩speedrun，將本來要花好長時間先可以爆機嘅遊戲，鬥快以最短時間完成，最hit當然係Switch隻《薩爾達》啦。至於Twitch直播玩家DraQu，最近就以Bethesda新作《PREY》做目標，佢之前已經試過用44分鐘爆機，但日前再玩一次刷新記錄，以19分43秒完成呢隻科幻射擊大作，20分鐘都唔使！

佢玩得咁快其實係用咗穿牆bug，加上全程接近冇開過戰，所以先可以慳到咁多時間。其實呢隻game全新要$429，我覺得咁玩真係有少少浪費喇，相信官方好快山就會出patch解決呢個問題。至於大家如果想挑戰Speedrun，可以去www.Speedrun.com睇下遊戲排名，挑戰其他玩家嘅記錄。

ps.我出稿前再望多眼，發現依家最快嘅玩家只係用咗16分09秒就完成喇。