{ SKIP }
文:MenClub Mr.波特  圖:互聯網
POSTED ON 16 May 2017


昨天勇士與馬刺一戰,因為一個轉捩點雙方形勢完全逆轉。馬刺本來喺第三節餘下8分鐘嘅時候領先勇士23分,但其後球隊核心Kawhi Leonard喺一次投射落地時,被對方中鋒Zaza Pachulia攝腳,導致左腳踝嚴重扭傷,最終馬刺因失去核心而方寸大亂,最終被勇士克服大比分的落後,以113:111逆轉取得勝利。



雖然Leonard本人已公開表示,認為導致他受傷Pachulia嘅攝腳並唔係有意,只係正常嘅防守動作,但實際上好多人就唔同意,甚至喺網上對Pachulia口誅筆伐,認為佢存心令Leonard受傷的。



對於是否蓄意攝腳這個問題,相信只有Pachulia自己先知,不過NBA歷史上卻有唔少球星曾經被對方攝腳,導致腳踝受傷,其中以下兩位球星被攝腳嘅情境相信大家都記憶猶新。


1、Kobe Bryant


喺2000年嘅NBA總決賽上,湖人嘅對手係溜馬,而Kobe由於係戰術核心之一,故對方嘅防守亦好明顯係衝住佢而黎。最終,溜馬嘅Jalen Rose喺Kobe嘅一次投射下,蓄意攝腳讓Kobe左腳踝嚴重扭傷,令佢需要即時退下火線,接下來嘅下一場Kobe亦因傷無法上陣,幸湖人最終還是奪得了當年嘅總冠軍,而這也是Kobe生涯嘅第一冠。值得一提嘅係,Rose在相隔多年後,亦大方承認自己當年係蓄意攝Kobe腳的。



2、Vince Carter


想當年「半人半神」攻力強勁,總係令馬刺難以防守,故Gregg Popovich經常派出「防守達人」Bruce Bowen招呼佢。而相信Bowen嘅大名大家都知,佢嘅防守出名勁,兼且非常髒。而對住Carter,佢曾經多次攝對方既腳令佢出現腳踝扭傷,對於呢種做法Carter絕對係非常不屑,甚至在場上對其發出怒氣。



蓄意令對方受傷呢種做法絕對係有違體育精神,如果Pachulia真係有心嘅話,咁絕對無一位運動員應有嘅質素。宜家,只能寄望Leonard能夠盡快康復,並給球迷送上更精彩嘅比賽。

流動家居都唔一定要犧牲舒適度嘅!
hobby
舒服過你屋企 Hofmann Living Vehicle流動家居
19 Nov 2017
你又覺得阿仙奴邊個球員技術最好呢?
hobby
伊禾比心目中技術最好嘅阿仙奴球員係...?
17 Nov 2017