{ SKIP }
文:MenClub Mr.波特  圖:互聯網
POSTED ON 17 May 2017


雲尼斯達萊(Van Nistelrooy)這個名字,如果你一聽已經好有快應,咁代表你係有啲資歷嘅球迷,相反你可能係非常年輕嘅朋友。


就快41歲嘅雲尼斯達萊,人稱「禁區之王」或「雲佬」,而一聽前面個綽號就知佢天生就係活係禁區入面嘅前鋒啦。雲佬球員時代係禁區擁有無與倫比的入球能力,不論射術、門前觸覺、頭搥等,基本上只要係可以有助佢入球嘅,佢都樣樣皆精。


雲佬年輕時係荷蘭球隊丹保殊出道,之後係荷甲嘅PSV燕豪芬踢出名堂,佢係兩季上陣79場入面,一共射入70球,效率對於當時黎講絕對係非常驚人。係咁嘅表現之下,雲佬隨即被當時嘅曼聯領隊費格遜睇中,以1850萬鎊把他帶到奧脫福球場。就喺加盟曼聯嘅第一季,雲佬已經好快融入球隊,佢喺上陣49場比賽下,入左36球,之後又喺第二季上陣52場入左44球,這都足以證明雲佬嘅入球能力已經係世界級。



不過,之後有傳雲佬同費Sir關係出現裂痕,所以被迫喺當打之年離開效力短短5季的曼聯,加盟西甲班霸皇家馬德里。


黎到皇馬首季,雲佬亦立刻交出精彩嘅表現,佢係西甲上陣37場攻入25球,隨即成為當屆嘅西甲神射手,兼為皇馬帶來了西甲聯賽冠軍。記住,千祈唔好比宜家美斯同C朗拿度的入球水平影響,過去喺聯賽攻入25球已經係相當犀利架啦。



雖然喺皇馬嘅表現仍然非常出色,但係雲佬喺皇馬嘅第三季就已經失勢,並且喺第4季已經被賣至德甲的漢堡,要知道個陣時雲佬先得32歲,都算係當打之年。不過由於當時嘅佢有唔同嘅傷喺身,所以已經唔可以再打出喺曼聯效力時嘅表現。


喺雲佬球員生涯入面,佢一共效力過7支球隊,合共上陣場次達到589場,並且生涯一共攻入347球,期間他合共獲得2次荷甲冠軍、1次英超冠軍、1次英足總盃冠軍、1次英聯賽盃冠軍、1次慈善盾、2次西甲冠軍以及1次西班牙超級盃冠軍。



喺球會層面上,雲佬嘅表現絕對算得上係輝煌,但喺國家隊佢就未能夠帶領荷蘭奪得任何大賽嘅冠軍。喺荷蘭國家隊效力嘅13年期間,雲佬合共上陣左70場攻入35球。而喺國家隊最令人印象深刻嘅,可能唔係任何一個入球,而係以下呢一次嘅慶祝。




雲佬生涯精華


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024