{ SKIP }
文:MenClub Mr.波特  圖:互聯網
POSTED ON 17 May 2017


西甲已經進入最後倒數階段,而冠軍爭奪亦進入白熱化,雖然巴塞現時排名聯賽榜首,但係佢地同第2位嘅皇馬其實係同分,更重要嘅係皇馬係打少一場架,就算巴塞有更加好嘅對賽成績,之但係只要皇馬接下來嘅兩場賽事拎到4分,咁就算巴塞最後一場聯賽能夠贏波,皇馬都係可以照樣奪得自2011-12球季以來首個西甲冠軍。




既然處於咁被動嘅境況,巴塞可以做嘅除左自己一定要贏到最後一場比賽之外,就係寄望皇馬因為需要分心備戰歐聯決賽,而令對手有機可乘。不過要令如今士氣高昂嘅皇馬失分真係唔係咁易,首先皇馬黎緊兩場聯賽嘅對手分別係切爾達同馬拉加,呢兩支球隊都排喺聯賽中游,可以話係無欲無求,所以面對強大嘅皇馬佢地可能無咩好大嘅爭勝心。相反,巴塞自己最後一場嘅對手係伊巴,佢嘅排名都要比皇馬兩支對手都高,所以巴塞都唔一定可以輕鬆全身而退。


另外,由於歐聯決賽喺香港時間6月4日先會舉行,所以距離西甲收咧日5月21日相差接近兩個星期,咁樣足以令皇馬一眾球員獲得足夠的休息時間,而同時亦減省左皇馬留力嘅必要。



咁巴塞究竟仲有咩辦法阻止皇馬呢?原來有傳巴塞已經為皇馬黎緊嘅對手切爾達開出300萬歐元獎金,只要佢地能夠擊敗皇馬,咁呢300萬歐元就係屬於佢地。確實宜家嘅切爾達係無任何可競逐嘅野,所以如果有300萬獎金,咁就唔同啦,佢地嘅動力絕對會大幅增加。


不過,呢一類型給獎金一支球隊去打另一支球隊喺西甲絕對係違規架,所以巴塞係絕對唔可以咁做,如果唔係西足總一定會對巴塞作出懲罰。雖然面個浸唔得,但係底個浸就唔知啦,究竟切爾達會唔會真係收到錢踢得落力啲呢?



對於以上呢個問題,皇馬領隊施丹就表示:「切爾達係一支職業足球隊,佢地會用專業態度去踢波,而呢樣野都係佢地應該做嘅事。」


如果無左為錢踢得落力啲呢個元素,皇馬無論心態同實力都係兩支對手之上,咁睇黎巴塞今季都係好大機會失落聯賽冠軍,最好嘅情況就只係可以擊敗艾拉維斯拎到國王盃一項錦標。



值得一提嘅係,今晚皇馬就會出戰切爾達,就睇下皇馬能唔能夠擊敗對手,鞏固自己聯賽奪冠嘅優勢。






由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024