{ SKIP }
文:MenClub Mr.波特  圖:互聯網
POSTED ON 19 May 2017


NBA官方今日正式公佈2016-17球季年度最佳陣容,其中最佳陣容包括最佳一陣、最佳二陣以及最佳三陣。




NBA年度最佳陣容嘅投票,係由100位美國體育傳媒人士負責嘅,佢地可以喺三套陣容中各選5位球員,而被選嘅球員將會根據最佳一陣可得5分,最佳二陣得3分,最佳三陣得1分黎計分,如果一位球員滿分嘅話就係500分。



咁今年嘅最佳陣容結果亦沒有太出乎大家想像咁,其中火箭球星James Harden就成為今年唯一一位獲得滿分500分嘅球員,咁樣代表全部100位媒體都一致認為佢係今年最佳嘅後衛之一。而雷霆嘅Russell Westbrook同騎士嘅LeBron James就得到99張最佳一陣嘅選票,總分同樣都係498分。而其餘兩位一陣嘅球星就仲有馬刺嘅Kawhi Leonard,同埋鵜鶘嘅Anthony Davis。



2016-17球季年度最佳陣容如下(括號內為投票總分):


最佳一陣:

後衛: James Harden, 火箭 (500)
前鋒: LeBron James, 騎士 (498)
後衛: Russell Westbrook, 雷霆 (498)
前鋒: Kawhi Leonard, 馬刺 (490)
中鋒: Anthony Davis, 鵜鶘 (343)




最佳二陣:

中鋒: Rudy Gobert, 爵士 (339)
後衛: Stephen Curry, 勇士 (290)
前鋒: Giannis Antetokounmpo, 公鹿 (258)
前鋒: Kevin Durant, 勇士 (239)
後衛: Isaiah Thomas, 塞爾特人 (236)




最佳三陣:

前鋒: Draymond Green, 勇士 (134)
後衛: John Wall, 巫師 (125)
前鋒: Jimmy Butler, 公牛 (102)
後衛: DeMar DeRozan, 速龍 (62)
中鋒: DeAndre Jordan, 快艇 (54)




可以睇到,今年三套最佳陣容中有一啲今季表現唔錯嘅球員落選,其中包括溜馬嘅Paul George、爵士嘅Gordon Hayward、快艇嘅Chris Paul、拓荒者嘅Damian Lillard等等。



而落選除左佢地本人失望之外,亦對於George同Hayward嘅影響特別大,點解?


首先,George同Hayward今次落選令佢地無辦法滿足合同要求,佢地唔可以喺接下來同球隊續約嘅時候獲得球隊工資帽35%嘅頂薪資格,要知道如果佢地今年成功入選最佳陣容,咁佢地黎緊喺今年夏天續約嘅時候,球隊就可以為佢地提供一份5年2.07億美元(平均年薪4140萬美元)嘅頂薪合同。相反,宜家球隊就最多只可以為佢地提供一份5年1.77億美元(平均年薪3540萬美元)嘅合同,差價足足達到3千萬美元。



而如果George同Hayward決定離隊同第二支球隊簽約,咁其他球隊最多可以為佢地開出一份4年1.32億美元(平均年薪3300萬美元)嘅合同。相比能夠進入最佳陣容嘅續約合同,總金額足足差左7500萬美元,呢個金額嘅差距將令佢地更想續約留喺原來嘅球隊。但係宜家留隊同離隊嘅總金額差距就只有4500萬美元,平均年薪差距就更加只有240萬美元,咁樣溜馬同爵士要留住佢地各自嘅頭號球星將會困難得多。

宜家NBA大圍氣氛就係,如果你想奪得總冠軍,就同另外一啲球星組團啦,就好似勇士同騎士咁,佢地好大機會連績第三年會師NBA總決賽。所以,如果George同Hayward想拎到總冠軍,今年夏天佢地就要好好考慮一下,而對佢地有興趣嘅球隊大有人在,其中湖人同塞爾特人就係最有決心得到佢地嘅球隊。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024