{ SKIP }
文:MenClub Mr.波特  圖:互聯網
POSTED ON 04 Jul 2017


0.4秒對於你黎講,可能真係眨一眨眼就無左,不過對於NBA黎講,0.4秒就係足以完成一次超級逆轉嘅時間。相信對於有些少資歷嘅球迷,應該唔會唔記得2004年一場馬刺對湖人嘅季後賽,來自Derek Fisher嘅神來之筆。




2003-04球季,馬刺作為衛冕總冠軍展開衛冕之旅,不過佢地並無喺常規賽交出非常好嘅成績,最終只能夠排名西岸第三進入季後賽。雖然只能夠以第3名完成,但係馬刺進入季後賽後表現出色,先喺首圈以4:0橫掃灰熊進入次圈。而次圈對手係擁有OK組合下,再找上Gary Payton同埋Karl Malone組成F4嘅湖人。雖然牌面上湖人看似非常強勁,但係馬刺喺頭兩場主場比賽都能夠輕敗對手,取得2:0領先優勢。可惜嘅係,湖人回到主場後成功扳回兩場,所以雙方打成2:2平手,接下來雙方將進行「天王山之戰」。


黎到「天王山之戰」,馬刺坐擁主場優勢,理論上係較湖人更加佔優,但係湖人派出Malone專門釘死馬刺核心Tim Duncan,所以令佢毫無表現,咁樣亦間接令馬刺最多曾落後16分之多。不過,馬刺並無放棄,佢地絕地反擊,成功將比分追上,並喺比賽最後2分幾鐘憑Duncan嘅投射成功反超湖人1分。



不過湖人並無被馬刺後上嘅氣勢舌沒,他們成功站穩陣腳,並同馬刺一直死咬住比分,最終去到比賽最後11.5秒,湖人憑Kobe Bryant嘅投射成功反超馬刺1分。呢個時候馬刺只能夠叫暫停,而暫停出黎後,正當馬刺報行戰術期間,湖人控衛Derek Fisher突然對馬刺球員犯規,從而中斷佢地嘅戰術,當時時間只係得番5.4秒,所以馬刺被迫再叫一次暫停。


暫停出黎,負責開邊線球嘅Manu Ginobili將球交比Duncan,面對住釘防佢嘅「巨無霸」O’neal,Duncan只能夠勉強下球控左幾下,就被迫Fadeaway出手,可以見到出手後嘅Duncan完全失去平衡,但係球最終卻成功「穿針」,馬刺喺比賽剩低最後0.4秒時再次反超湖人1分。



就喺Duncan攻入呢一球後,全場包括馬刺球員都非常興奮,因為佢地都認為比賽勝利已經收歸旗下。聯盟規定一次投籃出手嘅最少時間為0.3秒,而湖人宜家剩低嘅0.4秒就只容許佢地一接球就要出手,完全唔可以有任何失誤。


面對0.4秒呢咁短嘅時間,湖人只能夠硬住頭皮做埋最後呢個進攻。只見Payton負責開邊線球,喺一輪走位後Fisher突然向前迎球,Payton立刻將球交比佢,Fisher接近背向籃框接球下,出手動作一氣呵成,就算Ginobili嘗試封阻亦無法觸碰到球,最終球成功入網,湖人絕境下逆轉擊敗馬刺。而攻入致勝球嘅Fisher喺入球後亦即時頭也不回咁跑入更衣室,完全唔想去睇任何回放。


對於被Fisher攻入呢記不可能嘅投射後,馬刺球員以至整個馬刺主場都鴉雀無聲,只能夠靜靜等待裁判回放慢鏡,但係最終裁判認為入球有效,就算馬刺一方不斷投訴大會計時慢了開始計算時間,但係結果亦無法被推翻,湖人就係咁成功搶下「天王山之戰」嘅勝利,最終回到主場再次擊敗馬刺,最終成功殺入西岸決賽。



不過令人婉惜嘅係,呢支F4湖人雖然喺西岸決賽以4:2擊敗木狼晉身總決賽,但就竟然被東岸冠軍活塞,以出色嘅防守擊潰,最終湖人以1:4落敗,失去總冠軍。就係咁,湖人F4亦就此解散,連帶OK組合亦同告解散,O’neal正式轉投熱火。只能夠講,Fisher呢0.4秒係一個傳奇時刻,但好可惜佢地未能奪冠,否則Fisher嘅歷史地位必定會高一個檔次。




由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024