{ SKIP }
文:MenClub Mr.波特  圖:互聯網
POSTED ON 06 Jul 2017


就喺各支球隊積極搶人之際,一位曾經11次入選全明星陣容嘅33歲內線被裁掉了,佢就係曾經嘅「龍王」Chris Bosh。熱火官方尋日宣佈,正式裁掉曾經為球隊帶黎兩個總冠軍嘅核心之一Bosh,以除去佢餘下兩年價值5210萬美元嘅薪酬。而被裁掉後,Bosh亦正式絡束同熱火7年嘅賓主關係。



不過今次Bosh被裁掉,其實都唔可以怪熱火,因為Bosh近年患上較為罕見嘅血栓病,呢個病本身正常下唔會話好危險,但係作為一名經常需要高運動量嘅運動員,有呢個病就會非常危險,講緊嘅係隨時會掉送性命,而Bosh亦曾經住院一排,令唔少人相當擔心。


由於Bosh本來係熱火嘅頂薪球員,所以喺熱火裁佢之前,佢地嘅可用薪酬空間就只有900萬美元,但係宜家就因為無左Bosh份頂薪而增加至3400萬美元。就係咁,熱火將有好大嘅空間去追逐自由市場入面剩番嘅球星。



被裁嘅Bosh則回歸自由身,將可以同任何一支NBA球隊接觸。不過,曾經有醫生表示Bosh因為身體問題,佢嘅職業生涯已經完結了,將打落去嘅話佢真係隨時會有生命危險。不過,Bosh並唔係咁諗,佢唔覺得自己嘅球員生涯已經結束,佢認為自己仲可以打波,並且喺過去一段時間佢亦有進行籃球訓練,所以證明佢係仲可以比賽的。


對於球隊黎講,Bosh絕對係一位出色嘅內線,佢內外兼備,又有速度,係現今NBA小球戰術嘅非常需要嘅中鋒人選。不過,相信大部份嘅球隊都唔會考慮簽入Bosh,因為佢嘅身體狀況太令人擔心,而球隊亦無理由承擔咁大嘅風險。



係嘅,Bosh好想繼績比賽,但係佢亦已經有心理準備就此退役離開比賽賽場。對於佢黎講,呢次大病令到佢嘅人生觀完全唔同晒。喺生病前,Bosh可能會覺得連續幾場比賽落敗係痛苦嘅事,又或以前會對自己喺隊內嘅角色會不滿,又或抱怨訓練太辛苦等,但係當佢面臨呢次大病後,呢一切都變得微不足道。


經歷左一段長時間嘅治療後,Bosh如今嘅情況叫做穩定左好多,暫時應該唔會有生命危險。但可以見到Bosh極度渴望可以繼績比賽,真係令唔少人感到婉惜,亦都令我地可以反思一下,當我地有機會打波嘅時候,我地有無傾盡全力去打呢?有無因為好攰就發棄呢?諗諗下宜家都真係好想就去打波啦!


因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024