{ SKIP }
文:MenClub 波特先生  圖:互聯網
POSTED ON 16 Oct 2017

現時NBA已經進入「三分時代」,基本上三分球已經成為各支球隊必備嘅東西,甚至有球隊已經將三分球變成最重要嘅武器,每場比賽三分球嘅比率都超過其他得分方式,就算作為中鋒宜家嘅你都要識得射三分,因為咁樣可以拉開禁區嘅空間,令隊友更容易切入籃底。

就喺越黎越重視三分球嘅環境下,一啲傳統專打籃底嘅內線,特別係傳統中鋒就越黎越被邊緣化,因為佢地被認為喺現今比賽下欠缺速度同三分球,所以呢類型中鋒宜家NBA真係買少見少啦。

雖然三分球確實令現今NBA變得唔再一樣,但係就喺大部份人沉醉緊「三分雨」嘅時候,其中一啲極具天賦嘅中鋒已經開始嶄露頭角,佢地嘅出現將可能再一次改寫籃球嘅方向,令「稱霸籃底就可以稱霸比賽」可以再一次實現。
咁究竟現今NBA有邊啲中鋒係值得我地去期待嘅呢?以下就列出5位,大家睇下佢地未來有無機會成為NBA最強中鋒,並且統治NBA。

1、Joel Embiid(76人)

76人「大帝」Embiid雖然生涯前兩季因腳傷而連續兩季報銷,但係上季佢終於克服傷患成功完成佢嘅新秀賽季。Embiid係就係可以上陣,但係76人卻對佢非常謹慎,將佢嘅上陣時間嚴格控制喺25分鐘左右,兼且唔比佢參加背靠背第二場嘅比賽,為嘅就係希望佢嘅腿傷唔好復發,呢一季只係比佢拎下經驗,唔係要求爭取咩好成績。可惜嘅係,Embiid喺今年1月嘅時候都係不幸受傷宣佈賽季報銷,最終佢嘅新秀賽季只係上陣左31場比賽,場均上陣時間只有25.4分鐘。

雖然上陣時間被大幅限制,但係Embiid已經完全展現自己嘅實力,喺場均25分鐘左右嘅上陣時間入面,Embiid可以取得20.2分7.8籃板2.1助攻2.5封阻0.9抄截,投射命中率為46.6%、三分球命中率為36.7%。Embiid擁有速度及個人突破能力,再加上射程遠至三分球,所以佢絕對係現今NBA最佳嘅中鋒類型。更難得嘅係,Embiid嘅籃底進攻能力亦絕對係現今中鋒所欠缺的,所以基本上進攻端佢真係無任何死角。
除左進攻,Embiid場均2.5次封阻,亦證明佢係一位出色嘅籃框守護者,只要有佢鎮守籃底,對方進攻球員都唔敢隨意殺入內線,否則勢必吃上一個無情嘅封阻。

2、Karl-Anthony Towns(木狼)

除左Embiid,Towns係另一個目前NBA最具天賦嘅中鋒球員。呢位木狼中鋒雖然只有21歲,但係兩個賽季落黎佢已經打出全明星級別嘅表現,而佢亦都連續兩個賽季全勤上陣,唔似Embiid經常受傷患困擾。

上季Towns場均上陣37分鐘下,可以取得25.1分12.3籃板2.7助攻1.3封阻0.7抄截,投射命中率為54.2%,三分球命中率為36.7%,單以中鋒黎計Towns嘅進攻已經算得上係聯盟前三。不過,最致命嘅係Towns嘅防守非常差,佢喺NBA全部66位中鋒當中,防守真實正負值只有-1.41,排名最後一位,咁樣代表任何一位中鋒嘅防守都要比Towns更具效率。
作為籃底下球隊嘅籃框守護者,Towns如果唔能夠改善防守,咁樣木狼嘅防守問題將難以改善,而佢要成為NBA最強中鋒亦將因沒有防守變得不可能。

3、DeMarcus Cousins(鵜鶘)

Cousins近年一直都被認為係目前NBA最強嘅中鋒,佢上季場均可以拎到27分11籃板4.6助攻1.3封阻1.4抄截,數據可以話係中鋒入面最好嘅一個。不過呢位球員最嚴重嘅係性格問題,佢經常喺比賽入面控制唔到自己嘅情緒,導致被裁判給予技術犯規,對於球隊黎講咁樣係一個計時炸彈,隨時佢就可能會因為技犯而被停賽,令球隊實力受損。

以天賦黎講,Cousins確實有能力成為NBA最強中鋒,但係如果唔能夠喺比賽入面更冷靜處理唔同嘅事、咁樣佢嘅上限相信就只係去到呢到。

4、Nikola Jokic(金塊)

岩岩度過左自己喺NBA嘅第二個球季,Jokic可以算係低開高走。作為次輪第41號新秀,Jokic當初絕對無特別被看好,所以開頭上陣機會亦唔多。不過佢就成功把握機會,喺球隊正選中鋒受傷嘅時候,成功打出令人驚喜嘅表現,以超強嘅傳球能力為人熟悉,甚至被外界稱為「最會傳球嘅中鋒」。

單靠傳球Jokic當然唔可能成為最強中鋒,但係佢嘅進攻能力亦在不斷提升,上季場均可以取得16.7分,比新秀賽季提升左6.7分,而佢嘅投射命中率亦由51.2%提升至57.8%。預計新球季Jokic將會繼績進步,而佢身邊將加入前鷹隊核心Paul Millsap,相信Jokic將可以喺呢位新隊友身上學習到唔少野。

5、Myles Turner(溜馬)

溜馬「陳奕迅」作為2015年首輪11號新秀,佢喺Paul George離隊後被球隊認定為未來球隊的基石,溜馬將圍繞Turner作為核心建隊,因此喺新球季佢嘅球權將必定會大幅提升,咁樣預計佢嘅各項數據都會提升,但係能唔能夠成為最強中鋒就要佢自己把握難得咁快可以成為核心嘅機會啦。

上季Turner場均上陣31.4分鐘,可以取得14.5分7.3籃板1.3助攻2.1封阻0.9抄截,投射命中率為51.1%,單睇數據佢嘅進攻並唔太突出,但係未來佢嘅出手次數隨時翻倍,咁樣佢場均突破20分應該唔係問題。當然,配合埋佢本來就較突出嘅防守,Truner絕對有能力成為一名攻守兼備型嘅中鋒,而當佢進一步建立起球隊核心嘅模樣,要想爭奪最強中鋒嘅位置都係有可能的。
後補兩名:Willie Cauley-Stein(帝王)、 Jusuf Nurkic(拓荒者)

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024