{ SKIP }
文:MenClub Mr.波特  圖:互聯網
POSTED ON 14 Jul 2017


較早前,曼聯隊長31歲嘅朗尼正式結束自己喺紅魔鬼嘅13年生涯,重返母會愛華頓。唔少人都認為,近兩年朗尼嘅狀態已經大幅下滑,基本上已經唔算係一位一線球員,甚至有球迷笑佢身型走樣,應該叫做「良月月巴」,能夠重返愛華頓都只係只為球隊念舊,感覺似番去養老咁。不過,事實又係唔係真係咁呢?




今日,愛華頓就去到肯尼亞進行一場友誼賽,其中首次回歸嘅朗尼正選上陣,深得當地球迷歡迎,比賽期間更有球迷著住曼聯波衫衝入球場攬住朗尼,但係朗尼非常冷靜,該名進入球場嘅球迷亦由現場保安將帶走。



隨後,朗尼喺上半場大慨20幾30碼外接應隊友傳送後轉身,喺推前一步後大腳勁射,個波直飛向龍門,並喺對方門將手上越過,並且順利破網得分。朗尼呢個入球絕對係一記世界波,如果球迷記得嘅話,係咪好似當年(2002年)仲未轉投曼聯前嘅朗尼射破阿仙奴嘅個球世界波先?



2002年愛華頓vs阿仙奴:朗尼世界波收死施文!


一番到黎愛華頓,朗尼成個人好似生猛番晒,唔通真係好似朗尼咁講,佢需要更多嘅比賽機會,只要有比賽機會佢就可以重新調節自己至最佳狀態。如果真係咁,咁愛華頓宜家熱身賽真係要比多啲機會佢啦,咁樣隨時喺英超開鑼嘅時候,我地可以見番一個真正嘅朗尼,而唔係「良月月巴」啦!



較早前一年一度嘅香港書展已經喺灣仔會展開幕,而相隔兩日後同樣喺會展舉行嘅首屆香港運動消閒博覽亦都正式開幕。今次香港運動消閒博覽並唔需要額外門票,你只需要持有當日書展嘅門票,就可以同時進入兩個展覽會場。 ...
hobby
【愛運動】首屆香港運動消閒博覽開幕啦!
21 Jul 2017
今年夏天,曼聯因為前鋒伊巴謙莫域嚴重受傷,而佢預計將要休養至下年1月先可以復出,所以決定唔同佢續約。之後由於失去左伊巴,所以曼聯簽左愛華頓前鋒盧卡古,以頂替伊巴嘅位置,呢個時候可能大部份人都估伊巴1月嘅 ...
hobby
【長留奧脫福?】曼聯有望再簽「呂布」,鋒線唔使再擔心? ... ... ...
21 Jul 2017