{ SKIP }
文:MenClub Mr.波特  圖:互聯網
POSTED ON 08 Aug 2017


咁究竟世界會唔會有機會出現一位完美嘅球員呢?又或者點樣先係一位完美嘅球員呢?好明顯世界係無咩可能出現一位零缺陷嘅球員,所以我地能夠諗嘅就係一位完美嘅球員應該係點。近日,外國就有媒體組合出一位可能係最完美嘅球員,不過當中就有啲位比較奇怪,作為球迷你又黎評下呢位球員會唔會真係最強?


媒體所講嘅呢位完美球員係由7位球員組合而成的,佢地分別係:

1、Michael Jordan對勝利嘅渴望

2、LeBron James嘅身體

3、Kobe Bryant嘅膽量

4、Stephen Curry嘅右手

5、Ray Allen嘅左手

6、Derrick Rose嘅雙腿(受傷前)

7、Manu Ginobili嘅腳步




以上7位球員嘅部份,其實大部份都可以接受的,係唯有Allen嘅左手就真係唔太明點解會揀佢,因為佢係一名右手球員呢,我能夠諗得到嘅可能就係隻左手用黎扶住個波比較穩陣吧。


除左Allen隻左手,其實Ginobili的腳步也是可以有另外嘅選擇,雖然「鬼切」的腳步絕對係歷史級別,但係「大夢」Hakeem Olajuwon嘅腳步則被認為NBA最強的,所以先會有「夢幻舞步」呢個綽號,就算係Kobe同LeBron James都曾經拜入「大夢」嘅門下。


另外,值得一提嘅係Rose受傷前嘅雙腿,呢位NBA最年輕MVP受傷前擁有最強嘅變向能力,基本上喺場上只需要直接嘅一個變向,唔需要任何華麗嘅Crossover就已經可以完成突破,可惜嘅係因為呢種變向對膝頭嘅壓力太大,最終做成Rose膝頭嚴重受傷。


除左以上7樣,唔知你又會認為應該增加咩球員嘅能力喺呢位組合球員身上呢?我就認為仲可以加埋Rajon Rondo嘅腦袋(唔包括佢嘅性格),因為佢對戰術嘅理解絕對屬於歷史級別。


綜合以上球員嘅部件,相信呢位組合球員真係可以堪稱地球上最強嘅籃球員,不過籃球係5個人嘅運動,單憑佢一個唔知又可唔可以拎到總冠軍呢?

我很想打籃球呀!!
hobby
【永不放棄的人】三井戰山王工業籃球鞋登場!
20 Jul 2018
帕奎奧超越年齡再次登拳王寶座!
hobby
【超越年齡界限】菲律賓拳王帕奎奧39歲再登世界拳王寶座!
20 Jul 2018