燃燒銀包 :CHOCOOLATE X 聖鬥士星矢金Poker

文：MenClub 魏文青　　
POSTED ON 21 Jul 2017

近年:CHOCOOLATE同唔少動漫作品合作推出聯乘，好多都非常吸引。例如早兩年同《龍珠》嘅合作相信都令大家忍唔住使錢。黎緊佢哋又會推出新嘅聯乘，今次就係同車田正美老師嘅《聖鬥士星矢》合作！但最吸引唔係啲衫喎！

今次聯乘將星矢、紫龍、冰河、瞬、一輝、雙子座及童虎等多位角色印上黑白T恤，甚有Band Tee嘅味道，同時又唔會太搶眼——你知啦有愛還有愛，男人老狗有時買咗都真係唔敢著出街架嘛！除咗每個人嘅單頭款，仲有集合黃道十二宮嘅兩款，正面係十二宮、後面就係十二星座。每年都係賣HKD$279，買夠$900蚊仲送地氈添！

不過最吸引嘅其實係呢副「限量版金色聖鬥士星啤牌」金色嘅紙盒中入面係金光閃閃嘅啤牌，背面係星矢等人嘅浮雕、正面就係唔同角色，如果真係青黎玩就略嫌太「殘眼」，但用黎儲就相當吸引。而且售價只係HKD$399，仲送一件T恤、包裝盒同遊戲墊，絕對係抵啦。

今次聯乘嘅產品會於7月21日於:CHOCOOLATE指定店舖開售。尤其係啤牌乃係限量產品，大家要買就快手啦。