{ SKIP }
文:MenClub Mr.波特  圖:互聯網
POSTED ON 01 Aug 2017


作為一名為大球會踢波嘅球員,佢地本身嘅人工已經高得恨死隔離,但其實佢地除左本身嘅人工之外,好多球員嘅合同入面仲有寫明有機會獲得其他額外獎金,好似入球獎金、奪冠獎金等等。而曼聯作為目前世界最高價值嘅足球隊,佢地嘅球員得到嘅待遇當然非常好啦,除左人工高之外,黎緊一年嘅額外獎金仲非常和味添!



據消息指,曼聯球員黎緊新球季嘅額外獎金將達到球隊歷史新高,其中如果黎緊一季球隊能夠奪得英超冠軍,佢地隊內每一位球員將可以獲得200萬鎊獎金,呢個數字比上季足足翻左一倍,上季球隊每人嘅奪冠獎金「只有」100萬鎊,而長久以黎100萬鎊亦都係上限,曼聯歷史上從來無試過超過呢個數字。不過,為左激發球員能夠進一步為冠軍而戰,紅魔鬼今次竟然將獎金翻一倍,實在非常誇張。要知道如果佢地真係能夠奪冠,咁樣每一位球員獲得嘅爭冠獎金,就等同佢地呢一年嘅週薪增加左38000鎊一樣,絕對唔係講笑。



除左英超冠軍獎金之外,如果球隊能夠奪得足總盃或聯賽盃,每一位球員將可分別獲得9萬鎊或7萬鎊奪冠獎金。


曼聯今次能夠將奪冠獎金大幅提升,好明顯係因為英超喺上季開始正式開始新嘅轉播合同,呢份3年轉播合同價值達到51.36億鎊,價值足足比上一份合同增加左70%,增幅相當驚人。而岩岩一季只係獲得英超第6嘅曼聯單係英超已經獲得1.43億鎊嘅收入,所以黎緊一季增加奪冠獎加亦都絕對合情合理,當然咁樣唔代表曼聯一定可以拎到聯賽冠軍,但係咁樣球員將可以增加額外嘅動力,可能會有意想不到嘅結果。



而值得一提嘅係,曼聯亦透露左球隊上季奪得歐霸盃冠軍後,球隊透過歐霸盃獲得嘅收入超過4000萬鎊,而全隊球員合計分得嘅獎金則達到3800萬鎊,大慨每位球員分到150萬鎊左右嘅獎金。


黎緊一季,曼聯將有機會挑戰歐聯,睇番上季只係進入歐聯小組賽嘅球隊已經可以獲得1270萬歐元獎金,而最後能夠奪冠嘅球隊更可以獲得5720萬歐元獎金。而一季預計獎金將會進一步增加,而曼聯亦為球員們定左歐聯嘅奪冠獎金,金額同英超奪冠一樣都係200萬鎊。



所以可以想像黎緊曼聯球員如果能夠喺多項賽事奪冠嘅話,最多每人將可以獲得416萬鎊獎金,咁樣代表佢地每人最多呢一年嘅週薪將可以增加8萬鎊,絕對係球隊史無前例最多嘅獎金!


因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024