{ SKIP }
文:MenClub Mr.波特  圖:互聯網
POSTED ON 08 Aug 2017


作為巴西傳奇前鋒之一,「大哨」朗拿度球員生涯基本上已經奪得一切,世界盃、世界足球先生、金球獎等全部大獎都收歸旗下。如果單計近代嘅足球員,相信十居其九都會認為朗拿度係最強嘅前鋒,就算係美斯亦曾經承認自己係朗拿度嘅粉絲。




可惜喺生涯晚年,朗拿度因為甲狀腺出現問題,所以導致身型開始走樣,退役後更加難以控制體型,慢慢如今已經變成一個不折不扣嘅肥佬,所以有唔少人都叫佢做「肥哨」,雖然佢嘅腳下功夫都爛船仲有三根釘,但係體能已經完全不行了。不過唔緊要,身型走樣亦無損朗拿度嘅偉大,佢仍然係足球界擁有極大嘅話語權。


近日,呢位傳奇前鋒就點評出自己心目中嘅歷史最佳11人陣容,佢排出嘅係一個4-4-2陣式。對於朗拿度揀出嘅呢套陣容,你又有咩評價呢?


朗拿度最佳11人陣容:

門將:保方

後防:卡富、馬甸尼、簡拿華奴、卡路士

中場:馬勒當拿、施丹、派路、美斯

前鋒:比利、朗拿度




先睇前鋒,朗拿度揀自己絕對合理,唔係話佢偏幫自己,客觀黎睇佢絕對係前鋒線上嘅不二之選。而另一位前鋒,「大哨」揀選巴西前輩比利,既然被稱為球王,比利當然值得入選,更加唔好講佢同朗拿度係同鄉。


中場方面,兩位唔同時代嘅阿根廷球王馬勒當拿同美斯都入選,前者作為可以同比利並駕齊驅嘅球王,無論係個人能力定係魅力都係無與倫比的。美斯則可以話係現今最強嘅球員,無論盤扭同入球能力都係舉世無雙的,甚至比馬勒當拿有過之無不及,但係佢始於未能夠帶領阿根角奪得世界盃,呢個目前為止都係佢成就難以更進一步嘅阻礙。


中場中路,朗拿度揀左施丹同埋派路,施丹被認為係法國球王,佢喺場上嘅盤帶技術堪稱藝術,再加上出色嘅組織能力以及帶隊能力,令佢成為中場中路嘅王者。派路呢個選擇則可能有較大爭議,雖然呢位中場擁有出色嘅傳球以及罰球能力,但係歷史上能夠取代佢嘅人應該都有唔少,特別係佢作為防守中場嘅防守力嚴重不足,所以如果喺朗拿度呢套陣容入面,明顯中場並唔具備足夠嘅防守力。


後防方面兩個邊路位置,朗拿度都揀左自己曾經嘅巴西隊友卡富同埋卡路士,兩位都被認為係巴西歷史上最出色嘅邊後衛人選,其中卡路士嘅左腳重炮就更加令人印象深刻,同時兩者嘅助攻助守亦絕對係歷史級別的。


中堅方面,兩大意大利傳奇中堅馬甸尼同簡拿華路亦好合理咁入選,當然如果要揀仲可以揀埋尼斯達,不過呢兩位中鋒已經夠晒強大。馬甸尼位置感強,攔截同路數都非常好,而「大簡」就速度高同時彈跳力驚人,相信兩位中堅一定係對方攻擊球員嘅惡夢。

最後門將「大哨」揀左保方,呢位意大利傳奇門將雖然已經39歲,但係表現仍然係世界級別,其穩定性令人感到難以置信。不過,保方生涯未曾奪得過歐聯冠軍,呢一點同朗拿度一樣,可能就係因為咁朗拿度就揀左佢啦。講笑,以保方嘅實力,佢絕對係歷史最佳門將之一,甚至可以被認為係歷史前三嘅門將。

美斯真係阿根廷嘅救命草!
hobby
【絕對領袖】生死戰,美斯:「我們要用盡最後一粒子彈..」
24 Oct 2017
進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017