{ SKIP }
文:MenClub Mr.波特  圖:互聯網
POSTED ON 07 Aug 2017


巴西前鋒尼馬喺上個星期,以2.2億歐元破世界紀錄嘅足球轉會費投奔法甲,加入豪門巴黎聖日耳門,成為球隊嘅新10號,亦代表佢將會擔任球隊嘅絕對核心,球隊將會圍繞住佢黎建隊。




對於以天價收購尼馬,聖日耳門方面認為呢宗轉會絕對係超值的,因為佢地覺得尼馬就好似係一個品牌,佢未來帶黎嘅價值絕對會超過2.2億歐元。另外,佢亦都擁有足夠嘅實力去帶領球隊衝擊歐聯冠軍。其實聖日耳門方面嘅說法都真係不無道理,尼馬貴為巴西隊嘅核心,佢未來將肩負帶領巴西衝擊世界盃嘅重責,而佢喺國家隊嘅領軍表現亦非常不錯,所以以佢作為核心亦絕對可以令聖日耳門放心。


另一邊廂,雖然巴塞失去尼馬,但係佢地就獲得天價收入,佢地亦希望立刻將呢筆錢投入番去轉會市場,而其中佢地嘅第一目標,就係利物浦巴西中場古天奴。較早前利物浦方面已經拒絕左有關古天奴嘅收購,但最新嘅消息指紅軍已經接左巴塞方面最新嘅報價,據報巴塞開出嘅轉會費為1億歐元。對於1億歐元呢個天價,利物浦講真真係好難say no呢。


現年25歲嘅古天奴,喺2013年以低價850萬鎊(940萬歐元)由國際米蘭轉投利記,但後來佢喺球隊極速上位,好快就成為球隊中場嘅核心,至今表現越黎越好,相信有睇喺香港舉行嘅英超亞洲盃嘅球迷亦都見證左佢嘅實力,佢真係場入面最有球味個位球員。但係面對佢嘅身價如今10級跳,由當日嘅940萬歐元變成今日1億歐元,試問利物浦點會唔心動呢?



消息指,有關古天奴嘅轉會將會最快喺未來數個小時,最長1天內有結果。究竟呢位巴西中場係將會取代同胞尼馬成為美斯同蘇亞雷斯嘅新拍檔呢?而利物浦如果真係多左1億歐元,佢地又會買咩人呢?利記同巴塞嘅球迷你地點睇?

消息來源:巴西ESPN




由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024