{ SKIP }
文:MenClub Mr.波特  圖:互聯網
POSTED ON 07 Aug 2017


目前,世界田徑錦標賽正喺英國倫敦舉行,而賽事嘅焦點全部落喺牙買牙飛人「閃電」保特身上,因為呢位奧運8金得主較早前已經宣佈,喺呢次賽事完結之後就係正式退役,結束跑手生涯。



作為自己退役前嘅最後一個賽事,保特今次只係參加左兩個項目,分別係100m同埋4x100m,呢兩項賽事都可以話喺保特最強嘅項目,所以佢絕對係以奪金後退役作為目標的。不過,呢位統治左短跑10年嘅「地上最快的人」,雖然成功進入決賽,但喺決賽入面保特只係跑出9.95s,僅獲一面銅牌。而金牌得主則係保特嘅宿敵加杜連,呢位35歲美國老將跑出9.92s,係佢首次喺世錦賽擊敗保特。另外,奪得銀牌嘅係跑出9.94s嘅美國選手基斯甸高文。



成功以第一名衝線,加杜連非常興奮,佢仲同宿敵保特相擁,兼且更向保特跪低作出一個類似拜見帝王一樣嘅動作,以示對保特嘅尊敬,絕對係惜英雄重英雄。


對於加杜連黎講,能夠喺生涯晚期擊敗最強嘅對手,相信佢真係已經再無憾。而雖然落敗,但係保特就好有風度,佢稱加杜連係一名偉大嘅對手,又稱自己作為運動員嘅責任已經完成,並且佢自己亦證明左自己係一名偉大嘅運動員,未來唔會再有第二個自己,無人可以取代佢嘅地位。


現年30歲嘅保特被稱為世球上跑得最快嘅人,佢喺2008年北京奧運100m賽事入面以多個身位輕鬆奪金一鳴驚人,之後接落黎嘅所有短跑賽事(100m、200m、4x100m)佢都差唔多毫無對手。其中喺2009年德國柏林世錦賽入面,保特喺100m同200m分別跑出9.58s同19.19s,兩個時間都成功刷左世界紀錄,並且一直保持至今日。



雖然喺100m賽事落敗,但係保特仲有機會奪金,接下來佢將會同一班同為牙買加嘅隊友參戰4x100m,呢項賽事將真真正正係保特跑手生涯嘅最後一戰,粉絲們絕對萬勿錯過!!


重溫保特各項比賽片段

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024